بعمري كله
بمناسبة ذكرى وردة، النهاردة ١٧ مايو و دي الذكرى ال ١٠ لرحيل الوردة رحمة الله عليها لا استطيع ان اخفي حب وردة، صوتها و صورتها و احساسها، و دي واحدة من ابدع ما غنت الست وردة. بعمري كله حبيتك حبيتك حبيتك.
إحدى مفضلاتي
بمناسبة الذكرى العاشرة لرحيل ست الكل، وردة العرب اللي رحلت يوم ١٧ مايو ٢٠١٢ باقدم إحدى روائعها المطلقة أغنية بعمري كله حبيتك كلمات حسين السيد و لحن موسيقار الأجيال الأستاذ محمد عبد الوهاب.
الحقيقة كنت صغير قوي لما طلعت الأغنية سنة ١٩٨٥ لكن فاكرها و فاكر كوبليه ذكرياتي يا ذكرياتي، و فاكر كوبليه هجرتك يوم عمري دول من العلامات اللي بيميزوا أغنية بعمري كله.
طبعا بعمري كله مش اول تعاون لوردة مع الاستاذ، دا سبقها لولا الملامة، فى يوم و ليلة، أنده عليك، أسألك دموع عنية لكن عن بعمري كله أكدت وردة ان الأستاذ عبد الوهاب بذل معاها مجهود اكتر من اي أغنية تانية عملها، كان بيحضر البروفات و متداخل في أدق التفاصيل حتى التوزيع، و يقال ان اتعمل عليها اكتر من ٤٠ بروفة، و قالت: عبد الوهاب اداني من وقته و من صحته كتير.
يذكر أن طلعت إشاعة وقتها ان وردة غنت في الحفلة بطريقة غير اللي كانت بتغنيه أثناء الاعداد في البروفات مما جعل عبد الوهاب انه يقرر انه مش هيلحن لها تاني لكن الحقيقة ان كل دا ما حصلش، وردة غنت كويس و عبد الوهاب أثنى على اداءها.
حصل كمان ان عبد الوهاب لاحظ سرعة أداء الفرقة في العزف و بالطبع سرعة إيقاع صوت وردة في الحفلة اللي أقيمت في مسرح البالون، دا خلى عبد الوهاب في المرات اللي بعد كدا يبطئ السرعة شوية.
و كعادة عبد الوهاب، عمل مقدمة موسيقية استخرجها من متحفه لوردة، مقام النهاوند مسيطر مع اختلاف الايقاعات اللي بدأت بالرومبا و بعد كدا قلب مقسوم.
بعمري كله
كلمات حسين السيد
لحن الموسيقار محمد عبد الوهاب
غناء وردة
مقام النهاوند
إنتاج سنة ١٩٨٥
تمنياتي بطيب الاستماع 🌹
