#ohiya #Kalupahana #Devilsstaircase #solohiker

යකාගේ පඩිපෙළ කියූ සැනින්ම එහි නොගිය කෙනෙකුගේ සිතෙහි මැවෙන මනක්කල්පිත චිත්ත රූපයකින් එය මෙසේ වන්නට ඇතැයි සිතා එහි කවදා හෝ යෑමේ සිතෙහි ඇති බලවත් පෙරැත්තක් සහිතව කාලය ගලා යත්ම, යටි සිතෙහි ඒ කෙරෙහි ඇති වූ බලවත් ආශාව කාලයත් සමග ඉස්මතු වී එය සැබැවින්ම විඳීමට මා වාසනාවන්ත විය,

උදෑසන වරුව පසුවී දහවල උදාවත්ම මා පිවිසියේ සුන්දර හපුතලේ, බොරලන්ද ඉසව්ව පහුකරමින් ඔහිය වෙතට දිවෙන වෙනස්ම පරිසරයකටය,

දෙපසින් මහා උසට වැඩුණු රූස්ස ෆයිනස් වනාන්තරයක් මැදින් වැටුණු අඳුරු ස්වභාවයක් ගන්නා මෙම මාර්ගයෙහි ඇති අඳුරු මෙන්ම ගුප්ත ස්වභාවය කෙමෙන් කෙමින් වැඩිකිරීමට ඈතින් ගලන වැහි මන්දාරම සමත් වත්ම,වැස්සෙන් හරි හැටි ආරක්ෂා වීමට අපොහොසත් වූ මා සිතින් මිමිණුයේ "අද තෙමිලා හරි කලුපහන හොයාගෙන මිසක් හැරෙන්නේ නෑ " කියාය ,
මොහොතක් ගතවෙත්ම වැහි බිඳු එකින් එක ගලා එත්ම රූස්ස මහ වනාන්තරය මැදින් දිවෙන සුන්දර මාර්ගය දිගේ යතුරු පැදිය පණගන්වා ගමන් ආරම්භ කල මා තරමක් තෙත් බරිත වූවත් සිතෙහි ඇති කුතුහලය  ඉහළින්ම පැවතීමට තරම් මෙම මාර්ගය සමත් වූයේ එහි ඇති වෙනස්ම ආකාරයේ සොබා ලක්ෂණ නිසාය,

මිනිත්තු 20 ක පමණ කාලයකට පසුව ඔහිය මගපෙන්වීමේ කණුවක් ලඟ නැවතුනු මා සිතියම විපරම් කර බැලූ විට මාගේ ගමනාන්තය සඳහා එළඹිය යුතු මාර්ගය තවත් කෙටි දුරකින් එළඹෙන බව පෙන්වත්ම මදක් ඔහිය නැවතී සිට නැවත ගමන් ආරම්භ කරත්ම කෙටි දුරකින් සුන්දර ඔහිය දුම්‍රිය ස්ථානයට ලඟාවිය, සුන්දරත්වයෙන් අනූන වූ ඔහිය දුම්‍රිය ස්ථානයෙහි තරමක් කාලය ගත කර නැවතත් මා ගමන ආරම්භ කලේ ඉර අවරට යෑමට පෙරාතුව කලුපහනට ලඟාවීමේ අදිටනි,

මීට පෙරාතුව මා හට මුණ ගැසුණු මාර්ගයට හාත්පසින්ම වෙනස් වූ දිව්‍යලෝකයක් බඳු වූ මාර්ගයකට මා ඇතුල් වත්ම, වැසි බිඳු වලින් තෙත්වූ ගතින් තරමක් අපහසුව සිටි මාගේ තෙහෙට්ටුව අතුරුදහන් වන්නට විය,මෙය දිව්‍යලෝකයකි සෑම අතම වැසි බිඳෙන් තෙත බරිත වූ හරිත වර්ණයෙන් බැබැළෙන්නා වූ තුරු ගොමුද  , ඈතින් ගලාගෙන එන්නාවූ සීතල මිහිදුම් සේලද , මා සිටින්නේ දිව්‍යලෝකයක බව හඟවන්නට තරම් සමත් විය ,

මා සිටින්නේ -------- නගරයේ දැන් මා හට සිතෙන්නට තරම් මෙහි සුන්දරත්වයෙන් පිරී තිබුණි , වචන නොමැත එය පහදීමට තරම් වචන වලින් මා පොහොසත් නැත රූපරාමු තුලින් එය විඳගැනීමට තරමක් හෝ හැකි වේවායි කියා මා සිතමි,

හෝර්ටන් තැන්නට පිවිසෙන මාර්ගයද මෙයම වන අතර යකාගේ පඩිපෙළ මාර්ගයට පිවිසීමට මේ මාර්ගයේන් වමට ඇතුල් වී දුෂ්කර මාර්ගයක ගමන් කළ යුතුව ඇත,

එසේ හැරීමට ඇති මාර්ගය පසු කර මාර්ගය තරමක් මගහැරුණු මා එයට පසුතැවීමට තරමක් හෝ සිතට ඉඩක් නොදුන්නේ එය නිසාම තවත් මනරම් දසුන් මාගේ නෙත ගැටුනු නිසාය ,

මා දැන් සිටින්නේ යකාගේ පඩිපෙළේය, කලකට පෙරාතුව මා දුටු සිහිනය දැන් හැබෑ වී ඇති අතර සතුට උතුරා යන සිතකින් ඈතින් ගලන මීදුමත් සමඟ ගැඹුරු හුස්මක් ගත් මාගේ පෙනහළු දක්වාම එම පහස මට දැනුණි, එය මාගේ ශරීරයට කලකින් ලැබුණු හොඳම හුස්මකි, ගතම ප්‍රාණවත්ව ඉදිරියට ඇදි මා මාත් සමඟම දොඩමළු වෙමින් පහළට ඇදෙන්නට විය, එහි සුන්දරත්වය රූපරාමු තුලින් විඳීමට ඉඩ හරිමින් මම ඉදිරියට යන්නම්,

ගම්මානයක සුලඟක් ඈති ගත දැවටෙන්නට විය , වගාබිම් කිහිපයක් පිහිටා ඇති මෙම ප්‍රදේශය තුල යහමින් කැරට් බීට් වගාකර ඇති නමුත් අස්වැන්නෙහි විශාල අඩුවක් පෙනෙන්නට විය ,  මෙහි ජීවත් වන්නා වූ ගම්මානයේ ගෙවිළියන් තිදෙනෙකු නෙත ගැටුණු අතර ඔවුන් එදිනෙදා ජීවිතයේදී ඔවුන්ට අත්‍යවශ්‍යම කරන දර සොයා වනාන්තරය තුලට වැද දර හිස මත තබාගෙම ගම්බිම් බලා යමින් සිටියේය, මෙම ගම්මාන තුල ගෑස් නැත විදුළියද නැත , ඇත්තේ දර ලිපක් සහ කුප්පි ලාම්පුවකි, එරක සේයාව අඩුවෙන් දකින විඳින මෙම ගම්මාන වල ජීවිත අපිට පෙනන තරමට සුන්දර නැත එය සම්බන්ධව වැඩිදුර විස්තරයක් මෙන්ම මේ ගම්මාන වල ජීවත් වන ළමුන්ගේ අනාගතයට උපකාරයක් වනු වස් අපි සියළු දෙනා ඉදිරියේ වැඩසටහනකට එකතු වෙමු යන පරමාර්ථයෙන් ගම්මානයෙන් දුරස් වත්ම, 
ළමා කාලයේ මා රසවිඳු පන් පසිඳුවන්ගේ ගම්මානයේ සිටි සුන්දරත්වය මට මතක් විය , ඈතින් තණ උලා කමින් සිටින එළුවම් රංචුවක ඊට ඉහළින් සුන්දර වගා බිමකි, පහළින් ගලා යන දොළ පාරකි  වෙහෙස නිවා ගැනීමට තරමක් එහි නැවතුණු මා බෑගයේ තිබූ බිස්කට් පැකට්ටුවක් ගෙන ඉන් එකක් එළු නාම්බෙකුට දික් කල අතර නොසිතූ විලස ඌ එය තලු මර මර රස විඳි නිසා සන්තකයේම මා සතුව තිබූ බිස්කට් පැකට්ටුව එළු රංචුවම අතර බෙදා ගත් මා එයින් සතුටින්ම මාගේ කුස පුරවා ගත් පසු නැවතත් යකාගේ පඩිපෙළ දිගේ ගමන ආරම්භ කලෙමි,

ටික වේලාවකින් පසුව මාගේ ගමනේ රසවත්ම ස්ථානය හමුවන්නට විය මෙය මාර්ගය හරහා සමාන්තරව වැටී තිබුණු පාළමකි එහි මා ලඟා වත්ම දහවල් ආහාරය සඳහා එය සුදුසු කලක් වී තිබූ බැවින් ගිමන් නිවා එහි පහස විඳිමින් වේලාවක් ගත කල මා එයින් පසුව ගමන් ආරම්භ කලෙමි,
රූප රාමු තුළින් මේ දක්වා සිදුවීම් සමඟින් ඔබ වෙත ගෙන ආ රූප පටයේ රස විඳීමට ආරාධනා කරමින් මෙතනින් නවතින්නම්,

මීලඟ කොටස .....
කලුපහනට වන්නට ඇති මාරගයේ එක් අතකින් වනාන්තරය තුලට දිවෙන පාරක මග වැරදී ගමන් කල මා හට මුණ ගැසුනේ මහ වන්නතරයේ සැඟවී තිබෙන දුක්බර කතාවකට මුල පුරන ගම්මානයකි, එහි විස්තර ලබන සතියේ ගෙන ඒමට පොරොන්දු වන අතර

මෙම ගම්මානයේ ජීවත් වන දරුවන්ට උපකාර කිරීමට මා සිත් තබාගත් අතරම ඒය තනිව මා හට කල නොහැකි දෙයක් වන නිසාම පෙර දවසක මා පොරොන්දු වූ පරිදි අපි කණ්ඩායමක් සමඟින් ඉදිරියේදී මෙම ගම්මානයෙහි වෙසෙන දරුවන්ට හීන අරන් ඒහි යන බලාපොරොත්තුවෙන් ලබන සතියේ හමුවෙමු ඔබ සැමට ජය 🙏💙❤🍃
- Solo Hiker -

music in this video
[ Ссылка ]

свернуть