Мүгедек жандарға кедергісіз орта. "Цифрлық Қазақстан" жобасы мүмкіндігі шектеулі азаматтарға қызмет көрсетіп жатыр. Алайда, электрондық форматта ұсынылатын мемлекеттік қызмет жайлы бірі білсе, енді бірі біле бермейді. Бүгін қалалық жұмыспен қамту және әлеуметтік бағдарламалар бөлімінде мүмкіндігі шектеулі азаматтарға арналған семинар өтті. Арбаға таңылғандар, есту қабілеті бұзылғандар немесе қозғалуы қиын азаматтар үйден шықпай-ақ мемлекеттік қызметтің түрлерін пайдалана алады. Ол үшін міндетті түрде электронды қолтаңба қажет. Электрондық қолтаңба бір жылға ғана беріледі. Ал оның мерзімін ұзарту үшін мүгедек жандарға халыққа қызмет көрсету орталығына барудың қажеті жоқ. Ол үшін ҚР Ұлттық куәландырушы орталығының сайтына кіру жеткілікті,-дейді мамандар. Тек электронды қолтаңба мерзімі аяқталмас бұрын кіргеніңіз жөн. "Электрондық үкімет" веб-порталы мүгедек азаматтарға мемлекеттік қызметтің 6 түрін ұсынып отыр. Атап айтсақ, мекен-жай туралы анықтама, тұрғын үй кезегіне тұру, мүгедек балаларды үйде оқытуға жұмсалатын шығындарды да ғаламтор арқылы рәсімдей алады. Үйден шықпай-ақ жұмыссыз ретінде тіркелуге болады. Ал 1 мен 2 топтағы мүгедектер мемлекеттік қызметті үйінде отырып-ақ ала алады. Ол үшін 1414 біріңғай нөміріне өтініш қалдыру қажет. Былтыр 2000-нан астам мүмкіндігі шектеулі азамат халыққа қызмет көрсету орталығының мамандарын үйге шақыртқан.
Сайт телеканала [ Ссылка ]
Twitter [ Ссылка ]
Вконтакте [ Ссылка ]
