Trupat ruse filluan kundërofensivën në rajonin perëndimor Kursk të Rusisë me qëllim për të çliruar territoret e pushtuara nga ushtria ukrainase. Ky zhvillim sipas presidentit Zelensky vjen sipas parashikimeve të Kievit.

“Rusët filluan veprime kundërsulmuese. Kjo shkon sipas planit tonë. Sa i përket Bjellorusisë: kemi parë prej një kohe të gjatë grumbullimin e forcave, situata është nën kontroll”.

Në frontin ukrainas, dronët rusë shkaktuan dëme të konsiderueshme në infrastrukturën energjetike të qytetit verior Konotop ku në një sulm gjatë natës u plagosën të paktën 14 vetë dhe energjia elektrike u ndërpre, sipas zyrtarëve lokalë.

Ndërsa në vijën e parë të frontit në rajonin e Donetskut, bombardimet ruse lanë të vranë tre punonjës ukrainas të Kryqit të Kuq, dy të tjerë u plagosën.

Ukraina akuzoi Rusinë të enjten për goditjen e një anije civile të transportit të grurit. Sulmi me raketa ndodhi në ujërat e Detit të Zi pranë Rumanisë anëtare të NATO-s, duke përshkallëzuar tensionet midis Moskës dhe aleancës ushtarake. Anija civile ka për destinacion Egjiptin.

Përshkallëzimi i luftimeve nga Rusia në disa fronte përfshirë rikthimin e sulmeve ndaj anijeve në Detin e Zi ndodh pas marrjes së një sasie të re raketash balistike. Si kundërpërgjigje, ShBA-ja dhe Britania e Madhe pritet të njoftojnë heqjen e kufizimeve ndaj ushtrisë ukrainase për përdorimin e raketave me rreze të gjatë.

Sekretari amerikan i Shtetit Antony Blinken iku nga Ukraina pa e dhënë një konfirmim të tillë, por edhe në Poloninë fqinje ku vazhdoi turneun rajonal, u përball me thirrjet për ta lejuar Ukrainën të godasë me raketat amerikane e britanike thellë territorin rus.

Diskutimet për një çështje të tillë vijojnë edhe në Uashington.

Ndërkohë, presidenti rus Vladimir Putin, i bindur se Ukraina do të marrë autorizim, paralajmëroi se një veprim i tillë do të thotë se Rusia hyn në luftë me vendet e NATO-s. Nuk është hera e parë që kreu rus lëshon paralajmërime të tilla, që në Perëndim janë konsideruar retorikë për përdorim të brendshëm.

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan

свернуть