Қарсақбай тарихы. Рудный двор.
Мыс қорыту заводының кен ауласы.
Қарсақбай кентінің кіре берісінде жолдың бір тармағы солға қарай бұрылып қыраттар арасына енеді. Ол жерге «Рудный двор» деген сілтеме қойылған. Бұл негізгі жұмысшы поселоктан оқшаулау орналасқан шағын көшенің орны. «Шамамен 300-дей тұрғыны болған. Бірнеше тұрғын үй жұрты сақталған көше Рудный двор аталды»,- дейді байырғы тұрғындар.
Аты айтып тұрғандай заводтың кен жинайтын ауласы. Заводтың негізгі шикізаты-мыс рудасын Жезқазғаннан тасымалдап осында жинайды, рудадан басқа заводқа қажет кен, құрылыс материалдарының қоймасы орналасқан аумақ тар табанды темір жол арқылы заводпен байланысып тұрған. Бұл жердің өз тарихы бар. Ел жадында сақталған.
Сол көшеде туып өскен, қарсақбайлық зейнеткер Балташ Әбдиев ақсақалдың сұхбатын ұсынамыз.
