#droge #turqi #efektiviirrugores #florencbicerri
Ky është Florenc Bicerri, efektivi i Policisë Rrugore Tiranë, i cili është arrestuar në Stamboll nga policia turke, pasi tentoi të trafikonte një sasi të konsiderueshme lënde narkotike, llojit kanabis.
27-vjeçari ka udhëtuar nga Shqipëria në drejtim të shtetit turk më datë 5 Tetor nëpërmjet aeroportit të Rinasit, teksa së bashku me të kanë qenë dhe dy shqiptarë të tjerë. Njëri prej tyre është Kujtim Çeliku ish-komando i ushtrisë që ka marrë pjesë dhe në misione në Irak dhe Afganistan. Ai rezulton me precedent penal në fushën e vjedhjes.
Në një deklaratë të policisë turke thuhet se kontrolli u bë në bazë të analizës së riskut. Bagazhet kanë kaluar në rrezet X si dhe janë përdorur qen antidrogë.
Për arrestim e Bicerrit ka reaguar dhe Policia e Shtetit e cila ndër të tjera njofton se ndaj efektivit është vendosur përjashtimi i menjëhershëm dhe përgjithmonë nga radhët e uniformave blu.
Burime bëjnë me dije se ndaj ish-efektivit Bicerri, prej datës 8 Tetor kishte nisur dhe një hetim disiplinor nga Komisariati i Policisë Rrugore Tiranë si dhe procedurën për largim nga puna, për shkak se nuk është paraqitur në detyrë.
Për hetimin e rastit verifikime po kryen dhe Agjencia e Mbikëqyrjes Policore e cila shkëmben informacion me autoritetet turke, për sqarimin e plotë të rastit.
Sakaq po kryhen verifikime për të parë nëse efektivi dhe dy miqtë e tij kanë arritur më parë të trafikojnë lëndë narkotike drejt Turqisë.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
