Sekretari i Përgjithshëm i Partisë Socialiste Damian Gjinkuri ka folur në konferencën e sotme për shtyp edhe për arrestimin e ish-zyrtarit të lartë të FBI-së Charles McGonigal.
I pyetur për lajmet që qarkullojnë ku thuhet se ai ka lidhje me Shqipërinë, Gjiknuri tha se është një rast që po hetohet nga drejtësia amerikane dhe se nuk faktohet përfshirja e autoriteteve shqiptare.
Gjiknuri theksoi se kreu i PD-së Sali Berisha e lidh çdo ngjarje botërore me Ramën dhe Rusinë dhe kërkon të largojë vëmendjen nga “21 Janari” duke u marrë me një çështje, që sipas tij nuk i takon Shqipërisë.
Pyetje: Gjatë ditës së djeshme CNN dhe VOA thanë se arrestimi i ish-zyrtarit të lartë të FBI-së Mc Gonigal ka lidhje me Shqipërinë, po ashtu se Nick Muzin zhvillonte veprimtari nga kompania e kontraktuar nga PD, cili është komenti juaj?
Gjiknuri: Kjo nuk ka lidhje me konferencën megjithatë si përfaqësues i lartë i PS-së, do flas nisur nga faktet e drejtësisë amerikane. Së pari është një tymnajë e fortë për të sfumuar pikërisht këto ngjarje dhe fakte të 21 Janarit. Së dyti mendoj se drejtësia amerikane e ka zbardhur atë çështje, ai ka qenë drejtues i lartë i zyrës më të rëndësishme të FBI-së në SHBA sepse mbulon financat botërore.
Zyrtari i lartë ka qenë njeri shumë i rëndësishëm dhe akuzohet për lidhjet e tij me pagesa të një oligarku rus dhe nuk ka lidhje me Shqipërinë, nuk faktohet përfshirja e autoriteteve shqiptare. Ajo e Nick Muzin, pavarësisht se aty s’përmenden emrat por poi drejtohet gishti, rasti i është nënshtruar drejtësisë amerikane dhe asnjë se ka hedhur poshtë se paratë kanë origjinë ruse.
Etiketohet qartë se PD e asaj kohe ka përfituar para ruse, është një provë e faktuar. Problemi ka të bëjë se sa drejtë e ka zbatuar një zyrtar amerikan detyrën e tij por jo të bësh fajtor kryeministrin e Shqipërisë dhe zyrtarë të tjerë që e kanë takuar.
Mos të ngatërrojmë dosjen e provuar të Muzin me çështje të tjera që janë duke u hetuar. Ky lajm ka rëndësi për Amerikën dhe nuk ka lidhje me gjëra të Shqipërisë, jo këto historitë qesharake të Sali Berishës dhe ky që na lëvizka të gjithë zinxhirin e çështjes së Muzin apo aq më tepër të një zyrtari, kundër interesave të Amerikës.
Këto janë nga ato filmat thriller që vetëm në mendjen e Berishës ekzistojnë, deri dje thonin Soros tani na doli një amerikan. Gjithë ky komplot na dilka se u bëka nga zyra e Edi Ramës. Berisha mund të jetë rusofil por hiqet si rusofob. Çdo ngjarje e lidh me Ramën dhe Rusinë, të tilla gjëra ka thënë gjithmonë. Ai hiqet si rusofob dhe çka ka në mendje do tia atribuojë tjetrit. Këto janë lidhje rastësore që nuk kanë lidhje. Është si ai i mbyturi që kapet pas një dege kashte kur lumi e ka marrë
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
