Жамбыл облысының Сарысу ауданындағы мектептерде 4-11-сынып аралығындағы оқушылардан тестілеуге деп ақша жиналған. Бұл заңсыздықты прокурорлар анықтады.
Аудандық Білім бөлімі арнайы бұйрық шығарып, мыңнан астам оқушыдан 276 мың теңге жинап алыпты. Ал бұл Конституция талаптары мен «Білім беру туралы» Заңына қайшы келеді.
Әрекеті әшкере болған аудандық Білім бөлімі ата-аналардан жиналған ақшаларды түгелдей қайтарып берді.
Еркін Қуанышев, облыс прокурорының аға көмекшісі
-Аудандық прокуратураның енгізілген ұсынысының арқасында 7 лауазым иесі тәртіптік жауапкершілікке тартылды. Оның ішінде Білім бөлімінің басшысы Баймағанбетов те бар. Сонымен қатар аудандық Білім бөлімімен шығарылған ақша жинау туралы заңсыз бұйрық та күшін жойды.
