Ўзбеклар ва дунё: Бурқа ҳам, ҳижоб ҳам, ҳеч нарса писанд эмас - ҳа, бу хотин-қизларни ҳеч нарса тўхтата олаётгани йўқ.
Улар рўзғор ташвишлари, оилавий қийинчиликлар, жангарилар хавфини бир четга йиғиштириб қўйиб, парклар ва спорт марказларига боришмоқда.
Бунинг учун шароит қанчалик ҳаминқадар эканига қарамай, бугун саломатликлари ҳақида қайғуриб, спорт билан шуғулланишмоқда, чиниқишмоқда.
Сўз эса, Афғонистоннинг Марказий Осиёга бевосита чегарадош ва йилларки, энг беқарор иккита шимолий вилоятидан биттаси бўлган Фарёб ҳақида кетмоқда.
Мухбиримиз Шафий Бек ўғлининг хабар беришича, хотин-қизлардаги бу каби шижоат маҳаллий масъулларни ҳам беэътибор қолдирмаган.
Спорт масъуллари улар учун бир неча ўн миллион афғонийга махсус спорт мажмуаси қуриб беришни ваъда қилишган.
Мухбиримизнинг видеолавҳаси ана шу спортсевар хотин-қизлар ҳақида.
Бир кўринг, фикрларингиз бўлса, улар билан албатта ўртоқлашинг.
Сиз бу хотин-қизлардаги шижоатга нима дейсиз?
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: @bbcuzbek
