A Beautiful Dua Poetry dedicated to My Teacher ( Ustad ) || Happy Teacher's Day

Aik rehbar ke mile mujh ko jo qadmon ke nishan
ilm se sairab khaiti jaise bahr e bekaran

shair aisa kia likhoon jo uss ke ho shayan e shaan
mein hoon uss ki khaak e paa aur woh hai mera asman

shakhs woh jiske lye dil se nikalti hai dua
baap jaisa hai shafeeq aur hai woh mera razdaan

marhami lehje mein mere zakhm bhar deta hai
jaise mein hoon aik baccha aur woh hai meri maa

woh mohabbat ka samandar mein zara si aab jo
ik shikasta shaakh ko uss ne banaya gulsitan

zindagi mein har qadam per rehnumai jis ne ki
sar pe mere hai woh qaim ban ke mera sayebaan

mein thi matlaq be-hunar lakin mere ustad ne
timtimate se taare ko banaya kehkashan

dast e shafqat uss ka mujh per Rab sada qaim rakhe
uss ka lehja mere andaz e sukhan se ho ayaan

iss qadar veeran si iss zindagi mein ae wafa
doobti kashti ko jaise mil gaya ho badban

Wafa Ahmed
#happyteachersday
#teachersday
#bestwishes
#bestwishesforteacher
#happyteachersday
#Trendingpoetrystatus
#urdushayari
#ghazal
#hindi
#poetry
#whatsapppoetry
#latestpoetry

свернуть