QANLI YANVAR
Müəllif və səsləndirmə :Elvin Elxanoğlu

20 Yanvar günü, o qanlı gecə
Silahsız xalqıma divan tutuldu,
Azadlıq deyərək toplaşan xalqa
Odlu silahlardan atəş açıldı.

Əliyalın xalqın, dinc əhalinin
Üstünə onlarla tank yeridildi.
Tarix görməmişdi belə vəhşilik,
Yüzlərlə həmvətən şəhid edildi.

Nə qoca, nə cavan, nə qız, nə gəlin,
Əzdilər keçdilər körpələrəcən.
Bakı qan ağladı, fəryad qopardı
Gecədən başlamış düz səhərəcən.

Qorxuyla döndərmək istəsələr də,
Xalq öz amalından geri dönmədi.
Nə şaxta, nə ordu, nə də ki tanklar
Xalqımın əzmini qıra bilmədi.

Bir xalq göstərin ki, tanklar önünə
Əliyalın çıxa, silahsız çıxa.
Bu mənim xalqımdı, bircə gecədə
Qanıyla qol çəkdi o azadlığa.

Üstündən yüz illər gəlib keçsə də,
Heç vaxt unutmarıq bu faciəni.
Qan yaddaşımıza dönən bu qanlı,
Həm acı, həm də ki şanlı gecəni.

Etiketlər :
#şeir #elvinelxanoglu #20yanvar
20 yanvar faciəsi haqqında şeir
20 yanvar şeiri
Qanlı yanvar
qara yanvar
20 yanvara aid şeir
Şəhidlər haqqında şeir
20 yanvar şəhidlərinin xatirəsinə həsr şeir
20 yanvar qurbanları
Şəhidlərə aid şeir
20 yanvar faciesi

свернуть