Алматылық прокурорлар аналары сәбилерін саудаға салып келген сайтты анықтады. Мамандар арнайы мониторинг барысында көлеңкелі сайт беттерінде бала сату, сатып алу туралы жарнамаларды байқаған. Зерделей келе 48 дерек тіркепті.
Прокуратура өкілдері, сайт 2010 жылы тіркелгенін айтады. Ал Қазақстан аумағында жұмыс істеп тұрғынына жарты жылдай уақыт өткен. Осы аралықта нәрестесін сатуға ниетті азаматтар тарапынан 50-ге жуық хабарлама жарияланыпты. Міне, осыдан кейін мамандар бірден аудандық сотқа арыз түсірген. Сөйтіп, сот шешіміне сәйкес сайт бұғатталды. Ал Алатау ауданы бойынша екі дерек анықталып отыр. Яғни, 21 және 23 жас аралығындағы екі келіншек бауыр еті баласын сатып жібермек болған.
Прокурорлардың сөзінше, олар нәрестелерін үйлерінде босанған екен. Әйелдердің бірі сәбиін ақша керек болғандықтан сатуға ниеттенгенін айтыпты. Ал екіншісі әу бастан бала жоспарламаған. Сондықтан босанған соң басқа кісіге бермек болған. Қазір бұл фактілерге қатысты қылмыстық іс қозғалған. Кінәлі екені дәлелденсе, күдіктінің мүлкі тәркіленіп, 15 жылға дейінгі мерзімге бас бостандығынан айырылуы мүмкін.
ІЗБАСАР МАСАҚБАЕВ, Алматы қаласы Алатау ауданының прокуроры:
– Бүлдіршіндердің тағдыры қазіргі таңда берілген бір фактісі ата-ананың қолында. Ол факті жаңа атап өткендей тексеріліп жатыр. Екінші факті бойынша ата-ананы басқа ата-анаға сатудан бас тартқан болатын.




Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31

#Сәби #АдамСату #қылмыс

свернуть