Ауылды көркейтуге ел қазынасынан жыл сайын қыруар қаржы бөлінсе де, әлі күнге интернет, емхана, тегіс асфальт пен таза суға зарығып отырғандар көп. Мұны билік жақсы біледі. БІлген соң бір емес, бірнеше рет ауылды көтеруге бағытталған стратегиялық бағдарлама қабылдады. Бұл мемлекеттік бағарламалардың нәтижесін Үкіметтің есебінде министрлер сан түрлі сандармен сайратса да ауылдағы халық аса бір үлкен өзгерістерді сезіне алмады. Енді бүгін министрлер: "биыл елдегі 480 ауылдың мәселесін толық шешіп береміз" деп отыр.
Семейден 10 шақырым жердегі Жарқын ауылында әлі күнге интернет өте нашар. Жолдарының сиқы мынау. Мәдениет үйінің тоз-тозы шыққан. Әбден ескірген медициналық пункттері де істемейді. Мұндағылар ауыра қалса Семейді, не өзге ауылды кезіп кетеді.
МАРИЯ ХАБИДУЛИНА, Жарқын ауылының тұрғыны:
– Медпункт деген жоқ! Пәленбай шақырымға екі мыңнан жалдап барамыз. Прилич деген ауылға. Интернет жоқ. Онлайн оқиды. Біресе ана терезе, біресе мына терезе, біресе далаға шығамыз.
Нақ Жарқынға барып көрмесе де, үкімет ауылдардағы жағдайды жақсы білеміз деп отыр.Сол үшін Ұлттық экономика министрі 6318 ауылдан іріктеліп алынған 3500-ін дамыту үшін алдағы 5 жылға 800 миллиард теңге бөлінгенін айтты. Ол ақшаға су тартады, асфальт төсейді, баспана, мектеп пен стадион салады, тұрақты жұмыс орындарын ашады.
ӘСЕТ ЕРҒАЛИЕВ, ҚР Ұлттық экономика министрі:
– Ауыл халқының сумен қамту қызметі 100 пайызға жететін болады. Барлық ауыл тұрғындары жоғары жылдамдықты интернетпен қол жетімділікпен қамтылады.
Ауылшаруашылығы министрі ауылдарда 845 инвестициялық жоба арқылы 500 мың жаңа жұмыс орнын ашамыз, 50 мың адамға 250 миллиард теңге микронесие береміз деді. Еліміздегі 6 мыңнан астам ауылдың 1 мыңнан астамына ғана табиғи газ тартылған.
НҰРЛАН НОҒАЕВ, ҚР Энергетика министрі:
– 2025 жылға қарай қосымша шамамен 246 ауылдық елдімекенді газдандырып, 900 мың адамға газды қолдануға мүмкіншілік жасалады.
Ал, саясаткер Уәлихан Қайсар "30 жылда ауылды дамыта алмаған Үкімет жемқорлық жайлап тұрғанда алдағы 5 жылда да ештеңені қатырмайды" дейді.
УӘЛИХАН ҚАЙСАР, саясаткер:
– Жылдың басында тендер өткізіп болғанша жаз келіп қалады. Одан кейін қаржыландыру ашылса күзге таман ақша беріледі. Сосын күзде жол салынады. Ол қандай сапасы болады?
Ауылдағы мектеп оқушыларының 100 пайызы қосымша біліммен қамтылады. 40 колледжге 10 миллиард теңге бөлініп, зертханалар салынады, қосымша білім гранттары бөлінеді.
АЙБАР ТӨЛЖАНҰЛЫ, тілші:
– Мәминнің қол астындағылар: "Нұр Отанның мақсатын бәрібір орындаймыз, бөлінген миллиардтарға ауылды толық гүлдендіреміз" деп уәде беріп отыр. Үкімет отырысы Есеп беру жиынына да ұқсап кетті. Тоз-тозы шыққан ауылдарды қалай дамытатындарын министрлер қағазға қарап оқып шыққаны болмаса, ешбір аймақтың әкімі өз өңірінің проблемасын айтып, жиынға қосылмады.
Айбар Төлжанұлы, Дидар Елеуов
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#реформа #ауылды_дамыту
