جرار خنافس 3228
للعمل علي خط الشرق طوالي بقطار 178
القاطرة GM/EMD JT22 المشهورة بالمعونه أو البومة أو أبو دوكمة قديما 😂 حالياً الناس مسمياه الخنافس والاسم ده غلط لان الاسم ده كان لجرار مجري قديم كان موجود في الستينات تقريبا لكن كان ضعيف القدرة وصغير وغير مريح للركوب فسموه الخنافس ده اللي اعرفه
لكن الجرارات المعونه هي جرارات تم استيرادها عام 1979 من الولايات المتحدة الأمريكية وكانت معونه لان جزء من الجرارات دي علي حد علمي كانت شغاله في الولايات المتحدة واتعمل إعادة تأهيل لعدد 20 جرار في مصانع شركة GM/EMD واتبعت لمصر علي شكل معونه أمريكية والجزء التاني 20 جرار اتصنعوا جداد واشترتهم مصر واشتغلت الجرارات دي في أول تشغيلها علي الخطوط المصرية في قطارات البضائع بس بعد كدة اشتغلت طوالي ومسافات قصيرة وحاليا شغاله مسافات قصيرة فقط بتمتاز القاطرة JT22 بالتسارع العالي والتصريف والربط السريع للقطار ودي حقيقة وعن تجربة أسرع جرار يوصل للسرعة القصوي وأسرع جرار يصرف ويربط تلاقيه داخل المحطة صاروخ ويربط رباط مريح في ثواني وكذلك لما ييجي يطلع من المحطة
من وجهة نظر قائدي القطارات القدامي إن الجرارات المعونه عيبها حاجتين اعجزتها عن التشغيل عن المسافات الطويلة واكتفي بتشغيلها علي المسافات القصيرة وهي الكابينه الضيقة واللي بتسبب إرتفاع درجة الحرارة فيها
المدخنه فيها عيب إنها بترمي العادم علي وش الجرار من الناحيتين لما تكون متحكم من كابينه 1 أو لما تكون متحكم من كابينه 2 واللي بتسبب تسويد الجرار بالعادم عشان كده دايما تلاقي الجرار زي مهبب كده لكنه قاطرة ممتازة
Road: ERR 3240 (Egypt)
Model: JT22MC
Serial: 848004-9
Date: jan1985
Order Number 848004
Qty: 20 Units
EMD Negative Number 3228
Ещё видео!