Forcat izraelite kanë hyrë në spitalin kryesor në jug të Gazës të enjten, disa orë pasi zjarri izraelit vrau një pacient dhe plagosi gjashtë të tjerë që gjendeshin brenda kompleksit spitalor. Ushtria izraelite tha se ky ishte një operacion i kufizuar që synonte gjetjen e pengjeve të marra nga Hamasi. Operacioni në spital vjen një ditë pasi ushtria izraelite tentoi të evakuonte mijëra persona të zhvendosur që kanë gjetur strehim në spitalin Nasser në Han Junis. Ky qytet jugor i Gazës javët e fundit ka qenë shënjestër kryesore e ofensivës izraelite kundër Hamasit. Ushtria tha se kishte “të dhëna të besuehsme inteligjence” se Hamasi po mbante pengje në spital dhe se brenda këtij objekti mund të ketë edhe mbetje trupore të pengjeve.
Zëdhënësi i ushtrisë izraelite, Daniel Hagari, tha se forcat po kryejnë operacion “preciz dhe të kufizuar”, duke shtuar se nuk do të ketë evakuim me forcë të mjekëve apo pacientëve. Izraeli e akuzon Hamasin se përdor spitalet dhe infrastrukturat e tjera civile për të mbrojtur luftëtarët e tij. Zëdhënësi i Ministrisë së Shëndetësisë në Gazën e udhëhequr nga Hamasi, tha ndërkohë se Izraeli ka kryer “një inkursion masiv” me të shtënat që kanë plagosur shumë persona që po kuroheshin dhe strehoheshin në këtë spital. Ai tha se ushtria izraelite ka urdhëruar mjekët të zhvendosin në një ndërtesë tjetër të gjithë pacientët, por ky objekt, sipas tij, nuk është i pajisur sic duhet për trajtimin e pacientëve.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Spitali#Gaza
