صحوة الشوق

كلمات: مشاري الرشيدي
الحان: منير البقمي
توزيع وهندسة صوتية: تون لايف


الكلمات :
توارت الشمس و الأنسام محجوبه
وأرضي ما احب السكون اللي سكن فيها
كن المشاعر بـ صوت الناي مسكوبه
ياريح هبّي بـ نسناس ٍ يغنيها
إحساسه من المطر ومن السماء ثوبه
عادت مياه الحنين إلى مجاريها
من صحوة الشوق صرت أشعر بـ غيبوبه
وصحّتني جروح مدري وش مصحيّها
الذكريات القديمة صارت عقوبه
تولّت أمر الطواري قل واليها
وآصدري اللي بـ كف الضيق لعبوبه
تلّت معاليق صبري من عراويها
وآقلبي اللي توسد جرح محبوبه
‏وآعيني اللي ماجاب النوم طاريها
ارعبني ملاوع الفرقا يارعبوبه
بنتك يـ الإحساس مدري وش تسميها
ترحيب لقياك دليّني على دروبه
‏انتي تراحيب صدرك كني اوحيها
‏ماعذرب الحب قلبٍ حب عذروبه
‏ونبضاته تسلّمه لـ الحزن بـ يديها
يمكن يصير الجفا ذنبٍ من ذنوبه
لا صار لـ القوس ذنب بـكف باريها
ان كان منتي من الأقدار مكتوبه
ياليت لـ العين دمعة ياس تبكيها
‏حبك هو الغلطة اللي مالها توبه
‏ولاتوقعت من قلبي يسويها

свернуть