من عدد 24 إلى 28عن رجلين وبيتين!

يعنى في الأعداد اللي فاتت الناس قالوا أحلى كلام، وهنا فى الأعداد بتاعتنا الناس سمعوا أحلى كلام. قالوا أحلى كلام قالوا للمسيح يارب يارب روعة. هنا سمعوا كلام المسيح، لكن المسيح بيقول مش كل اللى يسمع كلامي. لإن فى ناس هتسمع كلامى ومتعملش به ده شخص جاهل بنى بيته على الرمل، لكن فى واحد تانى سمع كلامي وعمل به فده راجل عاقل بنى بيته على الصخر.
يبقى إذاً المسألة مش أنا بقول ايه، ولا حتى أنا بسمع ايه، لكن ماهو الثمر اللى كان بيكلمنا عليه ربنا؟ هل أنا بعمل الإثم عايش فالخطية؟ هل انا ماعنديش توبة؟ لإن هنا اللي حفر وعمق، ده بيكلمنا عن التوبة، أنا اتعب روحي في التوبة وفى الغُلب ده ليه؟ ما أنا أبنى على طول وأطلع أدوار كتيرة.

زى الناس النهارده الطماعين اللى مابيحسبوهاش صح، يعمله عمارة عالية عظيمة وبعدين تنهار،لإن الأساس خربان. الرب بيكلمنا عن الاساسات هنا واعتقد الأساسات هى التوبة، فإذا كنت مغلوب من الخطية ماترضاش على كده، ماتسكتش على نفسك، تمسك بالرب وقول له قَلْبًا نَقِيًّا اخْلُقْ فِيَّ يَا اَللهُ، وَرُوحًا مُسْتَقِيمًا جَدِّدْ فِي دَاخِلِي.


تابعونا على:
Facebook Page: [ Ссылка ]
Youtube Channel: [ Ссылка ]
Soundcloud Channel: [ Ссылка ]
Twitter: [ Ссылка ]
instagram:[ Ссылка ]
tiktok:[ Ссылка ]
Website: www.kolelketab.com
لينك الحلقة كاملة
[ Ссылка ]

свернуть