Për rreth 120 minuta kryemistri Edi Rama nga selia e PS sqaroi opinionin publik dhe ndërkombëtarët, se retorika e tij e ashpër të shtunën në adresë të SPAK nuk është presion ndaj organeve të drejtësisë së re.

Ritheksoi nevojën që kjo drejtësi e re e pavarur duhet të çlirohet nga çdo frikë e së kaluarës.

“Garancia se drejtësia mund të hyjë lirisht në oborrin e Partisë Socialiste dhe të bëjë drejtësi për këdo që e turpëron këtë parti, jemi ne, ne këtu, lidershipi i Partisë Socialiste dhe vetë kjo parti, askush tjetër, asnjë tjetër. Kjo parti është i vetmi subjekt në këtë vend, i vetmi, që as nuk i ka bërë, as nuk i bën dhe as nuk do t’i bëjë, sa të jem unë këtu jo njëherë, ndonjë presion drejtësisë. Deri kur të më jepnin ndonjë subjekt tjetër, unë mbetem me këtë mendim. Të kërkosh më shumë nga drejtësia kur vettingu po bën 5 vjet dhe SPAK po mbush 3 vjet, nuk do të thotë të bësh presion.”

Për ta përforcuar këtë garanci mosndërhyrje në SPAK kryeministri paralajmëroi prangosjen e dy kryebashkiakëve socialist.

Kur foli për nevojën e hetimeve 360 gradë nga SPAK, kryeministri iu referua paraardhësit të tij Sali Berisha.

“Çfarë presioni është të kërkosh hetimin e një ish-presidenti, e një ish-kryeministri, të shpallur non grata nga SHBA më akuzat më të rënda të mundshme që lidhen drejtpërdrejtë me veprimtarinë e institucioneve të këtij vendi. Dhe ta bësh këtë thuajse një vit pasi shpallja non grata është bërë, dhe pasi Sekretari amerikan i shtetit ka kërkuar publikisht një deklaratë se institucionet e një vendi, pra të këtij vendi duhet të bëjnë punën e tyre, akuza është e fortë, aq e drejtpërdrejtë, aq nominale sa nuk ka ku të shkojë dhe nuk mundet të vihet në pyetje as besimi dhe as në seriozitetin e SHBA sepse u bë një vit që dëgjojmë dhe që njerëzit dëgjojnë se kjo na qenka një konspiracion, ku është përfshirë dhe Departamenti i shtetit dhe as nuk vihet në pikëpyetje besimi në seriozitetin e drejtësisë së re se janë këto të dyja këtu në pikëpyetje.”

Ulsi Manja ministër i drejtësisë pasi përmendi se në veting kanë mbetur 197 gjyqtarë e prokurorë përfshi 51 të dorëhequr nga të cilët vetëm 19 janë nën hetim nga SPAK, dha alarmin se si peshkaqenët e drejresisë mund tja dalin pa u ndëshkuar.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#EdiRama#SPAK#TopChannelNews

свернуть