Khud Khaliq Ban Insan Aa Gya Charni La Le Dheray | Christmas Geet | Muqadus Anthony | Masihi Tube HD
گیت
خُود خالق بن انسان آ گیا چرنی لا لَئے ڈیرے
دُکھاں دِیاں راتاں مُک چلیاں خُوشیاں دے چڑھے سویرے
1
بیت الحم داؤد گھرانے چوں اونے چُنیا اِک کنواری نُوں
بِن باپ دے پیدا ہویا جے دھن اوہدی کار گزاری نُوں
اِنسان تے رَبّ دے جَمن دے اینج کیتے آپ نکھیڑے
خُود خالق بن انسان آ گیا چرنی لا لَئے ڈیرے
2
اوہنے رکھیا اَے یِسُوع ناں اپنا جِدا مطلب رَبّ بچان والا
پاپاں دِیاں گُپت بیماریاں تھوں قبریاں دے وِچوں اُٹھان والا
اَے تے کَم اوہدے لئی کُجھ وی نئیں اوہ تے کردا اَے کَم وڈیرے
خُود خالق بن انسان آ گیا چرنی لا لَئے ڈیرے
3
چوپان مجُوسی چَن تارے یِسُوع دے دَر نُوں لَب دے نے
بن ٹولیاں پاک فرشتے وی مریم دے گھر وَل پج دے نے
بیت الحم وِچ سرائے دےسارے خلقت لاندے پھیرے
خُود خالق بن انسان آ گیا چرنی لا لَئے ڈیرے
4
کی ناز کہواں اوہدی شان دے وِچ ساری قُدرت یِسُوع نام دے وِچ
تُوں بندیا اوہنوں لبَنا ایں کی اوہ تے وسدا اَے ہر اِنسان دے وِچ
اوہ تے ہر بُووا کھڑکاندا اَے اوہ تے پھردا اَے وہیڑے وہیڑے
خُود خالق بن انسان آ گیا چرنی لا لَئے ڈیرے

свернуть