Vətən müharibəsi iştirakçıları təltif olundu - BAKU TV
Əlahiddə Ümumqoşun Ordusunda təltif edilən Vətən müharibəsi iştirakçılarına medallar təqdim edilib.
Əvvəlcə şəhidlərimizin əziz xatirəsi yad edilib və Dövlət Himni səsləndirilib.
Əlahiddə Ümumqoşun Ordu komandanı, general-polkovnik Kərəm Mustafayev 44 günlük müharibə ilə qazanılan zəfərdən danışıb. Bildirib ki, xalqımız əzm və iradə ilə bir yumruq olub düşmənə sarsıdıcı zərbələr endirdi. Vətən müharibəsi ilə yazılan bu tarix Azərbaycanın inkişafı üçün möhkəm bünövrə olmaqla bərabər regionumuz üçün də dayanıqlı və uzunmüddətli sülhü, əmin-amanlığı və təhlükəsizliyi təmin edən mühüm amildir.
Azərbaycan-Türkiyə dostluq əlaqələrindən və hərbi əməkdaşlığından danışan Əlahiddə Ümumqoşun Ordu komandanı iki ölkə arasında Şuşada imzalanan bəyannamənin Qafqaz regionu üçün əhəmiyyətini və bu kontekstdə Naxçıvanın xüsusi coğrafi vəziyyətinin nəzərə alınacaq perspektivini qeyd edib.
Tədbirdə çıxış edən Vətən müharibəsi iştirakçıları kapitan Üzeyir Novruzov və baş leytenant Fariz Babayev döyüşlər barədə təəssüratlarını bölüşüb, müharibə iştirakçılarına və şəhid ailələrinə göstərilən qayğıdan danışıblar.
Tədbirdə dövlət təltifləri haqqında məlumat verilib və İkinci Qarabağ müharibəsinin iştirakçılarına Xocavəndin, Cəbrayılın, Zəngilanın, Ağdamın azad olunmasına görə medalları təqdim edilib. Şəxsi heyətin təntənəli keçidi ilə təltifetmə mərasimi başa çatıb.
[ Ссылка ]
[ Ссылка ]
[ Ссылка ]
[ Ссылка ]
[ Ссылка ]
©2021 - 2022 © All Rights Reserved ℗ Baku TV
#Bakutv #xeberler #news #bakutvxeber #bakutv #bakutvnews #newsandpolitics #xəbərlər
baku tv | bakutv | bakutvxeber | xeberler | qarabag | azerbaycan |
