“ЦЭРЭГ ЭРИЙН ГЭРГИЙН ДУУ”
Шуудан хүргэгчийг тосон гүйгээд
Шинэхэн захидлыг минь авч байна уу даа
Цэрэг хувцастай зургийг минь өвөртлөөд
Саалийнхаа зэл рүү гунхаж явна уу даа
Сайхан чамайгаа санаж явах
Цэрэг миний жаргал юмуу даа
Наян найман уньтай гэрийг чинь
Цэцгийн талдаа барьж байна
Найман алдын хулсан уурга чинь
Гэрийн бүслүүрт намилзан байна
Намайгаа гэсээр цэргээс ирнэ гээд
Найз нь чамайгаа хүлээж сууна аа
Уурганы сүүдрийг гишгэчих вий дээ гээд
Үзүүрийг нь холоос харсхийж тойрч явна уу
Хурын ч үүлгүй цэлмэг байгаасай гэж
Хилийн тэнгэрийг ширтэж байна уу даа
Сайхан чамайгаа санаж явах
Цэрэг миний жаргал юмуу даа
Шуудангаар илгээсэн шинэхэн захидлыг чинь
Сэтгэл догдлон уншиж байна аа
Цэрэг хувцастай сайхан зургийг чинь
Санаа алдалгүй ширтэж сууна аа
Намайгаа гэсээр цэргээс ирнэ гээд
Найз нь чамайгаа санаж сууна аа
Наадамд унадаг борлог морьд минь
Унаган ижилдээ онгон явна аа
Найзтайгаа ижилдэн дөрөө харшуулах
Найртайхан өдрийг хүлээж сууна аа
Намайгаа гэсээр цэргээс ирнэ гээд
Найз нь чамайгаа харж сууна аа
Ижилхэн борлог морьдоо хараад
Ирэх жилийн наадамд яарч байна уу даа
Мөнгөн баавартай хоёр эмээлээ
Тэнзэн ташуурт нь шондож байна уу хө
Сайхан чамайгаа санаж явах
Цэрэг миний жаргал юмуу даа
Саалийн хувингаа сүүгээр мэлтгээд
Саальчин алдрыг дуулж явна аа
Сайхан ардынхаа заяанд сүү өргөж
Сайны үйлсэд жаргаж сууна аа
Намайгаа гэсээр цэргээс ирнэ гээд
Найз нь чамайгаа хүлээж сууна аа
Цэцгийн үнэртэй цэнхэр орноо
Цэргийн ёсоор хамгаалж байна аа
Цэнхэр орноо хайрлах сэтгэл
Цэрэг болгонд адилхан байна аа хө
Сайхан чамайгаа санаж явах
Цэрэг миний, саальчин миний жаргал юмуу даа

свернуть