Song- Bambai Main Ka Ba
Singer and Performer - Manoj Bajpayee
Lyrics - Dr Sagar
Video Director - Anubhav Sinha
English Lyrics - Sankarshan Thakur
Music - Anurag Saikia
News Footage Courtesy - Barkha Dutt (Mojo)
Music Label - T Series
CFO (Benaras Media Works) - Dhrub Kumar Dubey
Executive producer - Sagar Ravindra Shirgaonkar
Associate Director- Vikhyaat Deepak Sareen
DOP - Soumik Mukherjee
Production Designer- Nikhil Kovale
Music Produced & Design by - Prasanna Suresh & Anurag Saikia
Costume stylist - Vishakha Kullarwar
Line Producer- Durgesh Daddhich
Post Production Superviser - Suraj Nair
Stills - Bobby Sachdev
Hair stylist - Bobby Rao / Sachin Jadhav
Make up - Mita Vaswani
Di Studio - Visualbirds Studios
Di Colorist - Ankit Mali
Ethnic Percussion - Pratap Rath
Bass - Abhinav Bora
Nagara / Bhor Taal - Kontilou
Studios Recorded Phat Box Studio by - Rupjit Das,
Euphony Studio by - Partha P Das
Mixed & Mastered by - Bhaskar Sarma Euphony Studio
Marketing Director - Trigger Max
Publicity Design - Math
Visual Promotions - Trigger Happy
1
दू बिगहा में घर बा लेकिन
सूतल बानी टेम्पू में
जिनगी ईअंझुराइल बाटे
नून तेल आ सेम्पू में
मनवा हरियर लागे भैया
हाथ लगवते माटी में
जियरा अजुवो अंटकल बाटे
गरमे चोखा बाटी में
जिनगी हम त जियल चाहीं
खेत बगइचा बारी में
छोड़छाड़ सब आइल बानी
हम इहवाँ लाचारी में
ना त बम्बई में का बा? इहवाँ का बा?
ना त बम्बई में का बा? इहवाँ का बा?
2
बनिके हम सिकोरटी वाला
डबल डियुटिया खटत बानी
ढिबरी के बाती के जइसे
रोज रोज़ हम घटत बानी
केकरा एतना सवख बाटे
मच्छर से कटवावे के
के चाहेला एह तरे
अपने के नर्भसावे के
गांव सहर के बिचवा में हम
गजबे कंफ्यूजिआइल बानी
दू जून की रोटी खातिर
बॉम्बे में हम आइल बानी
ना त बंबई में का बा?इहवाँ का बा?
ना त बम्बई में का बा? इहवाँ का बा?
3
घीव दूध आ माखन मिसरी
मिलेला हमरा गाँवे में
लेकिन इहवाँ काम चलत बा
खाली भजिया पावे में
काम काज ना गांव में बाटे
मिलत नाहीं नोकरिया हो
देखs कइसे हाँकत बाड़ें
जइसे भेंड़ बकरिया हो
काम धाम रोजगार रहित त
गंउवे स्वर्ग बनइतीं जा
जिला जवारी छोड़िके इहवाँ
ठोकर कांहें खइतीं जा
ना त बम्बई में का बा? इहवाँ का बा?
ना त बम्बई में का बा ? इहवाँ का बा?
4
कइसे केहू दुखवा बांटे
हम केतना मजबूर हईं
लरिका फरिका मेहरारू से
एक बरिस से दूर हईं
के छोड़ले बा एह तरे अब
हमहन के लाचारी में
अपना छोटकी बुचिया के हम
भर न सकीं अँकवारी में
बूढ़ पुरनिया माई बाबू
ताल तलैया छूट गइल
केकरा से देखलाईं मनवा
भितरे भितरे टूट गइल
ना त बम्बई में का बा? इहवाँ का बा?
ना त बम्बई में का बा? इहवाँ का बा?
5
हंसुवा अउरी खांची फरुहा
बड़की चोख कुदार उहां
लमहर चाकर घर दुतलिया
हमरो ए सरकार उंहा
हमरे हाथ बनावल बिल्डिंग
आसमान के छूवत बे
हम त झोपडपट्टी वाला
हमरे खोली चूवत बे
आके देख सहरिया बबुआ
का भेड़ियाधसान लगे
मुरगी के दरबा में जइसे
फंसल सभे के जान लगे
ना त बम्बई में का बा? इहवाँ का बा?
ना त बम्बई में का बा? इहवाँ का बा?
6
हाड़ ठेठावत दुनों परानी
खटत रहीं किसानी में
एक टांग प खाढ़ रहींजा
माघ महीना पानी में
एतना मुवला जियला पर भी
फूटल कौड़ी मिलत ना
लौना लकड़ी खर्ची बर्ची
घर के कमवा जूरत ना
महानगर के तौर तरीका
समझ में हमरा आवे ना
घड़ी घड़ी पर डांटे लोगवा
ढंग से कुछू बतावे ना
ना त बम्बई में का बा? इहवाँ का बा?
ना त बम्बई में का बा? इहवाँ का बा?
7
जबरा के हथवा में भैया
नियम और कानून उहां
छोटी छोटी बतियन प ऊ
कइ देलन स खून उहां
एह समाज में देखs केतना
ऊंच नीच के भेद हवे
उनका खातिर संविधान में
ना कौनो अनुच्छेद हवे
बेटा बेटी लेके गाँवे
जिनगी जियल मोहाल हवे
ना निम्मन इस्कूल कहीं बा
नाहीं अस्पताल हवे
ना त बम्बई में का बा? इहवाँ का बा?
ना त बम्बई में का बा? इहवाँ का बा?
8
जुलुम होत बा हमनी सँगवा
केतना अब बरदास करीं
देस के बड़का हाकिम लो पर
अब कइसे बिस्वास करीं
हम त भुइयां लेकिन तोहार
बहुते ऊंच सिंघासन बा
सबके पता ह केकरा चलते
ना घरवा में रासन बा
ए हाकिम लो!ए साहेब लो!
हमरो कुछ सुनवाई बा
गांव में रोगिया मरत बाड़ें
मिलत नाहीं दवाई बा
ना त बम्बई में का बा? इहवाँ का बा?
ना त बम्बई में का बा? इहवाँ का बा?- dr sagar
