ابتدي واجيب شعري واحثّ أله المسير
فالصديق الغالي الي يساوي هالنظر

مايصير الشعر طيب بغيرك مايصير
مايطيب الا ليا جت بك ابيات الشعر

فالتخرج جعله مبارك وجعلك بخير
عنك يامطارد ماسقنا لا صدات وعذر

انت ل ربوعك فخر وانت لربوعك كبير
مثل ماكنت الكبير الي تخرج فخر

انت للنجمه سطر ماانت بالنجمه شهير
نجمتك شاعت بطاري ابوك منذ الصغر

اشهد انه خلف اسود مزبان الضرير
جعل فالجنه عظامه مع الصالح عمر

وانت يامطارد مع اخوانك ماحبلك قصير
كلبوكم صيتكم واصل لحد القمر

بالكرم والجود والعز والسيف الشطير
لحواتن غانمه والله بعز وسطر

وباسم راع العلم والوقفه وراع الشوير
مرحبا مليون تاتي من حدود الحفر

مرحبا مليون ب اسمك ياعون المستجير
يافهد يابو شبيب الفخر عز ومقر

والنهايه قبل لا اختم على الشطر الاخير
وسط راسي كلمتن ثابته إلها قدر

بعد ما افخر فالعبيات فاليوم الكبير
افتخر ب الاد ملعب ليا جيت افتخر

#ناصر_العبيوي


اهداء الى مطارد ضيدان الملعبي
لتخرجة من كلية الملك خالد العسكرية

من الشاعر / ناصر منصور العبيوي
اداء المنشد / نايف السهلي

свернуть