Почитувани,
Прилеп и прилепчани секогаш сме биле домаќини!
Еве денес сме повторно домаќини на СДСМ! Добре дојдовте да го видите нашиот град и сите проекти кои ВМРО ДПМНЕ заедно со граѓаните на Прилеп ги сработивме во изминативе неколку години!
Почитувани сограѓани,
Деновиве сведоци сме на многу ниско ниво на кампања која што ја води СДСМ и нивниот лидер Заев, кампања полна со лични навреди и клевети.
Г-не Заев дали денес ќе ја барате довербата од граѓаните кои Вашиот кандидат Стевчо Пендаровски ги нарече стока?
Дали со непризнавањето на изборниот пораз и вие сметате како вашиот идол Бранко Црвенковски дека народот греши и кога е во право?
И после осум изборни порази арогантноста не Ве напушта.
Господа од СДСМ кажете што сте направиле за Прилеп и младите од нашиот град? Зад вас не стои ниту еден реализиран проект и токму затоа прилепчани не ви веруваат!
Ние младите сме енергијата и силата на нашата држава и токму затоа во новата програма на ВМРО-ДПМНЕ предвидени се бројни мерки и проекти за младите.
· Предвидуваме ослободување од плаќање на придонеси од задолжително социјално осигурување за млади лица до 29 години.
· Посебен оперативен план за активни мерки специјално наменет за вработување на млади со кој годишно ќе се вработат над 3000 млади лица.
· Прогрма за вработување Прва Шанса каде државата ќе го субвенционира вработувањето по моделот 3+6 и ќе се субвенционираат над 1.000 лица во времетраење од 3 месеци во износ од 13.000 денари бруто плата.
· Преку програмата Практикантство на млади лица Владата ќе им помогне на 2000 млади што поподготвени да се вклучат на пазарот на труд за што ќе добиваат по 6.200 денари за лице месечно во период од 3 месеци.
· Млади лица до 27 години ќе имаат право на бесплатен повратен билет во определен викенд во месецот.
· Во четврток студентите ќе можат бесплатно да ги посетат театрите, кината и музеите во РМ.
· Учениците и студентите во РМ ќе имаат можност со попуст од 50% на билетот да ги користат услугите во патничкиот превоз на Македонски железници.
Ова се само дел од новите 2046 проекти кои дирекно се насочени кон подобрување на животот на младите. Навистина има разлика! Токму затоа малдите се на страната на ВМРО-ДПМНЕ!
Ние нема да ја свиткаме кичмата ни сега,ниту во иднина, затоа што Македонија ни е пред се!
Затоа Ве повикуваме во недела со заокружување на бројот 5 да го дадете својот глас за листата на пратеници од ВМРО ДПМНЕ и коалицијата и бројот 1 за претседателот Горѓе Иванов!
Ви благодарам!
