Жалал-Абад облусунун Сузак районундагы бала бакчадагы окуядан кийин жетекчи жана эки кызматкер жумуштан кетти. Turmush басылмасынын кабарчысы окуянын чоо-жайын тактады.
2024-жылдын 2-декабрында социалдык тармакка бала бакчада тартылган видео тараган. Видеодон аял киши балдарды тилдеп, кол көтөргөнүн көрүүгө болот. Ошондой эле бала бакчанын абалы да тартылган. Окуя Багыш айыл аймагында жайгашкан «Кенжетай-1» бала бакчасында болгон.
