Ky është momenti kur policia prangos dhe shoqëron për në qeli 26-vjeçarin nga Durrësi, Eldi Allushi, i cili mëngjesin e martës u bë protagonist i një aksidenti të pazakontë dhe të rrezikshëm duke ngjitur makinën mbi digën e Liqenit.
Ai u ndalu rreth orës 15:00 në periferi të Tiranës në afërsi të Rrugës së Arbërit.
Ngjarja u regjistrua rreth orës 5 e 12 minuta, teksa i riu duke drejtuar një makin tip “BMË” ngjiti digën e liqenit dhe përfundoi në vendkalimin e këmbësorëve.
Gjurmët e ngjitjes së makinës ishin ende të dukshme në vendin e ngjarjes edhe disa orë pas saj.
Një kamera sigurie kapi këto pamje të makinës, e cila për shkak të shpejtësisë së lartë i dallohen vetëm dritat.
Gjithçka ka ndodhur në më pak se 4 sekonda. Makina vjen me shpejtësi nga Rruga e Kosovarëve, përplas një pemë dhe më pas ngjit skarpatën e digës për të përfunduar në shëtitoren sipër saj. Mjeti është përplasur me bordurën mbrojtëse anës liqenit, duke penguar rrëzimin në ujë.
Aksidenti për shkak të shpejtësisë me të cilën ka lëvizur makina mund të kishte qenë fatal, jo vetëm për drejtuesin e mjetit, por edhe për qytetarët. Por fatmirësisht ngjarja ka ndodhur në orët e para të mëngjesit kur në rrugë nuk ka patur makina të tjera dhe mbi digë nuk ka patur qytetarë që dalin për vrap nga liqeni.
I riu, i cili sipas policisë dyshohet të ketë qenë i dehur apo nën ndikimin e substancave narkotike, u largua nga vendi i ngjarjes, duke lënë pas automjetin dhe të gjithë gjurmën që kishte bërë makina në ngjitje të digës, siç duket në këto pamje.
Mbi të rëndojnë akuzat e “shkatërrimi të pronës" dhe "largimi nga vendi i aksidentit".
Por pavarësisht rrezikshmërisë që paraqet një aksident i tillë, ndëshkimi që parashikon legjislacioni në fuqi është tepër i lehtë. Në rastin më të keq për të ai mund të dënohet deri në 3 vjet burg, por mund t’ia hedhë edhe me një gjobë.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
