İsmayıllıda Torpaq çərşənbəsi qeyd olunub - BAKU TV
Hər daşı, torpağı tarix qoxan İsmayıllının qədim Basqal qəsəbəsində çərşənbələrin sonuncusu – Torpaq çərşənbəsi təntənəli şəkildə qeyd olunub.
Bayram tədbirində Rayon İcra Hakimiyyətinin başçısı Nahid Bağırov, hüquq-mühafizə orqanlarının rəhbərləri, kənd və qəsəbələrdən gələn qonaqlar və yerli sakinlər iştirak ediblər.
Rayon rəhbəri ilk olaraq havaya sülh rəmzi olan ağ göyərçin buraxıb. Daha sonra Novruz atributlarının nümayiş olunduğu sərgiyə baxış keçirilib, folklor qruplarının çıxışına tamaşa edilib.
Mərkəzi meydanda bayram xonçaları bəzədilib, tonqal qalanıb, Lahıc folklor qrupu konsert proqramı ilə çıxış edib. Novruzun personajları olan keçəl və kosa rəqs edib, yumurta döyüşdürüblər.
İnanca görə, su, od və yel birlikdə ümumilikdə torpağın oyanmasına gətirib çıxarır. Torpaq da oyanandan sonra təbiət oyanmağa başlayır: ağaclar çiçək açır, yaşıllıqlar yaranır və torpaq əkinçilər üçün istifadəyə tam hazır olur.
[ Ссылка ]
[ Ссылка ]
[ Ссылка ]
[ Ссылка ]
[ Ссылка ]
İsmayıllıda Torpaq çərşənbəsi qeyd olunub
© 2023 © All Rights Reserved ℗ Baku TV
#torpaqcersenbesi #novruzbayramı #ismayıllı
