Батыс Қазақстан облысының орталығы Оралда 3 жас пен 6 жас аралығындағы балаларды балабақшамен қамту көрсеткіші 98,2 пайызға жеткен.

Бұл – еліміз бойынша ең жоғарғы көрсеткіштердің бірі.

«Әрине ол «Балапан» бағдарламасының және мемлекет пен жекеменшік әріптестікті дамытудың арқасында мүмкін болып отыр», – дейді мамандар.

Орал қаласында 50 мемлекеттік, 15 жекеменшік балабақша бар. Қазір сол жеке балабақшаларға 800-дей бүлдіршін барып жүр. Бұған дейін шаһарда мемлекеттік-жекеменшік әріптестік бойынша 7 мектепке дейінгі мекеме салынып, пайдалануға берілсе, биыл да бірнеше кәсіпкер жаңа балабақша ашуға ниет білдірген.

Өйткені бұл кәсіпкерлер үшін өте тиімді болып тұр. Жеке балабақша қожайындары ата-аналардан айына кем дегенде 20 мың теңгеден алады. Сондай-ақ мемлекет оларға әр бала үшін 18 300 теңгеден ақша төлеп отыр.

Жансұлу Төремұратова, қалалық білім бөлімінің басшысы

-Мемлекеттік-жекешілік әріптестік шеңберінде бүгінгі таңда 15 балабақша жұмыс істеп тұр. Онда 787 бала тәрбие алуда. Бұл жұмыс биыл да жалғасын таба береді. Осы күннің өзінде 6 жекеменшік балабақша бала тәрбиелеуге байланысты мемлекеттік тапсырысқа ие болып отыр.

свернуть