Lyrics:-

Jacayl Calafku Saaxiib La Yahay
Samada Gayn Maayo
Sadkeena Dhamaade
Nabsina Kugu Sii Dayn Maayo
Walow Aan Suntiisi Kabaday
Suufi Noqon Maayo
Adigoo Sidaas Iigu Weyn
Seef Ku Marin Maayo.

Wanagaagi Sooryada Ahaa
Siifad Noqon Maayo
Sumadaadi Fiicnayd Hadeer
Saxarku Dayn Maayo
Calool Xumo Siyaada Qalbiga
Kuugu Sidi Maayo.

Anigoo Og Samirkaan Lahaa
Taaj U Sudhi Maayo
Adna Sabab Aad Leedahay Sidaa
Weeye Odhan Maayo
Waxkastood Samaysaa Xumaan
Ii Sawiri Maayo
Oo Inaan Ku Saamaxo Marnaba
Seegi Kari Maayo.


Surbacaadka Nolosha Iska Leh
Kugu Salayn Maayo
Sumcadaada Gaarka Ah
Dareen saari Kari Maayo
Inaan Sare Ku Geeyiyo Amaan
Saydhi Odhan Maayo
Naftaad Ila Sidee Qaladka Dhacay
Kugu Sifayn Maayo.

Dadnimada Intaan Suuf Ku Xidho
Saylad Dhigi Maayo
Sirtii Naga Dhaxaysiyo Xogtii
Cadowga Siin Maayo
Aniga Sanifay Oo Ka Tagay
Suuqa Gelin Maayo.

Anigoo Og Samirkaan Lahaa
Taaj U Sudhi Maayo
Adna Sabab Aad Leedahay Sidaa
Weeye Odhan Maayo
Waxkastood Samaysaa Xumaan
Ii Sawiri Maayo
Oo Inaan Ku Saamaxo Marnaba
Seegi Kari Maayo.

свернуть