Ish-zv.Kryeministri Arben Ahmetaj ngjiti këtë të enjte pa zhurmë shkallët e prokurorisë së posaçme për t’u pyetur në lidhje me dosjen hetimore që SPAK ka ngritur ndaj tij që prej marsit me katër akuza.
Ahmetaj është nën hetim për akuzat e shpërdorimit të detyrës, korrupsionit, pastrimit të parave dhe përfitmit të paligjshëm të interesave. SPAK ka bashkuar dy procedime ndarjen e fraksionit për inceneratorin e Elbasanit, ku po hetohet për shpërdorim detyre dhe korrupsion dhe pastrim parash pas kallëzimit qe i është bërë për vilën në Hamallaj.
Megjithatë, SPAK nuk ka dorëzuar ende kërkesë në Kuvend për heqjen e imunitetit të Ahmetajt dhe marrjen e autorizimit për arrestimin e tij.
Kërkesa e SPAK në Kuvend duhet të shoqërohet me një raport me akuzat që ngrihen ndaj Ahmetajt dhe provat që ka në ngarkim të tij. Më pas, kryetarja e Kuvendit njofton mbledhjen sa më parë të Komisionit për Rregulloren, Imunitetit dhe Mandatet në Kuvend, që është organi përgjegjës për shqyrtimin e kërkesës. Pasi deputetët kanë marrë këtë raport, ata vendosin nëse do të autorizojnë apo jo prokurorinë të vijojë me arrestimin.
Ligji parashikon detyrimin e prokurorëve të SPAK që të paraqesin para deputetëve provat e siguruara që konfirmojnë përfshirjen e deputetit të akuzuar në shkelje. Dorëzimi i provave dhe shqyrtimi i çështjes në këshill bëhet me qëllim që deputeti i akuzuar të jetë i informuar për akuzat ndaj tij dhe të japë shpjegimet e nevojshme nëse ka.
Në mbledhje mund të thirret edhe deputeti që të japë sqarimet e tij. Në përfundim të mbledhjes, komisioni i paraqet deputetëve një raport ku përmblidhen pretendimet e palëve. Pas kësaj, caktohet një seancë plenare ku deputetët do të votojnë për autorizimin, ose jo të prokurorisë për arrestimin. Edhe nëse Kuvendi e autorizon SPAK-un për arrestimin e deputetit, ai nuk e humbet mandatin e tij deri në dënim me vendim të formës së prerë, përveç rasteve kur e dorëzon vetë atë.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Ahmetaj#SPAK
Ещё видео!