[ Ссылка ]
[ Ссылка ]
[ Ссылка ]
Shqipëria do të mund të çelë negociatat për anëtarësim në Bashkimin Evropian, vetëm nëse miraton reformën në drejtësi. Përfaqësuesja e Brukselit në Tiranë, Romana Vlahutin, thekson se tani është koha kur politikanët shqiptarë të shprehen me votë pro reformës në drejtësi, pasi siç tha nuk është vetëm kërkesë e BE, por edhe nevojë për shqiptarët.“Shqiptarët duhet të përjetojnë një ndryshim në sistemin e drejtësisë. Ne jemi të ndërgjegjshëm se kjo reformë duhet të bëhet tani. Kjo nuk duhet të thotë se duhet të përqendrohemi te reforma dhe mos bëjmë gjë tjetër. Nuk është e lehtë për askënd, dhe nuk duhet të jetë në fakt. Duhet të jetë një ndryshim i thellë. Komisioni Evropian mendon se Shqipëria po ecën përpara dhe nuk ka kthim pas. Ne jemi të lumtur që Shqipëria nuk duhet të ndalojë, kjo është inkurajuese. Një hap i madh është para nesh duhet të marrim frymë thellë dhe duhet të arrijmë në nivelin tjetër që është më kërkues. Kjo nuk është vetëm një kërkesë për integrimin evropian, por është për vetë shqiptarët.”Në deklaratën gjatë Konventës për Integrim, ambasadorja Vlahutin, tha se procesi i integrimit, nuk është thjesht ushtrim, por ndryshim jetësor për secilin shqiptar.“Vendet anëtare kanë nevojë për Shqipërinë që ajo të provojë jo me fjalë por me reforma kërkesat që janë të rëndësishme për në BE. Ne kemi nevojë të shohim politika të shëndetshme dhe të frytshme. Politikat janë për një cilësi më të mirë jete. Ne diskutojmë sot si të modelojmë jetën e qytetarëve shqiptarë, si të bëjmë zgjedhje për çdo qytetar. Ne jemi këtu për qytetarët.”Partnerët ndërkombëtare nuk janë mjaftuar vetëm me apele drejtuar klasës politike shqiptare për miratimin e reformës në drejtësi. Para pak javësh, ata shkuan edhe më tej, kur morrin pjesë në mbledhjen e grupeve parlamentare të 3 partive kryesore parlamentare, ku nënvizuan domosdoshmërinë për reformën, si e vetmja mënyrë që Shqipëria të ecë përpara në procesin e integrimit.- See more at: [ Ссылка ]
