لايك للفيديو + إشترك معنا
subscribe + Like
فعل الجرس 🛎
ليصلك كل جديد✔️
..
" لمتابعة شيلات الروقي عبر السناب "
[ Ссылка ]
شيله مهداه الى رجل الاعمال :
مرزوق بن عبدالهادي الشيباني
كلمات عيضه الثبيتي
ياصحابي الغالين ويش أقول بعد الانقطاع
ودّي بمعذارٍ يعذرّني والاعذار اْمحقا
اللي يعذّرني نهار العيد وقت الاجتماع
عيديةٍ تسبق صباح العيد لاحان اللقاء
من طيب شمس العيد كن اشعاعها ماهو شعاع
اتقول جمرة مبخرة والعود فيها منتقا
لاحدٍ يلوم الشاعر اللي يشتكي كثر الصداع
ما ينفع الدكتور و الراقي ليا منّه رقا
أمّا كتبت من القصيد اللي يشد الاستماع
والاّ اعتذر لـ الاصدقاء اللي يعذرون الاصدقاء
لو أنّي أهاب البحر ماكان شدّيت الشراع
والموج عاتي والبحر غدار مير الله يقا
نحتاج فالدنيا قلوب نظاف وصدورٍ وساع
وان ماسلمنا جعلنا من لاهب النار اعتقا
ياسرع ساعات اللقاء ياثقل ساعات الوداع
خص الوداع اللي تحس انّه مامن بعده لقاء
اطيب بشاره ساقها الله مع ثُنيات الوداع
يارب بشّر كل مسلم بالصلاح و بالتُقاء
الحمد لله ماعبدنا لا يغوث ولا سواع
مانعبد الّا واحدٍ مادون رجواه ادرقا
اتكل على القلب الشجاع وجنّب القلب الرعاع
اللي يبى الطالات يعشقها وللطيب اْعشقا
حتى الكلافه مالله مكلّفك فوق المستطاع
لكن خلك من وروى هقوة رفيقك لا هقا
اجمل حضور اذا حضر فالنوب مفتول الذراع
واقسى غياب اذا هقيت براس طيب واتقا
الطيب ابو للمرجله والحاجه ام الاختراع
ياللي تدوّر لـ ونعم ماكل من دوّر لقا
سلّم على مرزوق عبدالهادي القرم الشجاع
شيخٍ بقا جوده كثر ما اوحاه من دام البقا
طبّ الامور الكايده عوق الثنيه و الربّاع
ماتنشف السكين صبح و ليل و النار اشعقا
حيدٍ مرسّي ماحد يطوله بطول الارتفاع
رقا رقا بالطيب حتى صار فاعلى مرتقا
سنّد عليه المعضله لو دونها شهب السباع
وابشر لك بشيباني فعوله على وضح النقا
شيبانيٍ مطنوخ راس اليا دعى للعلم داع
يوم الرخوم بطونها تنخض مثل خض السقا
ذولا بني مشيب ليا زاد التحدي و النزاع
اللي يجي فنحورهم عدّه مبشّر بالشقا
قوم ٍ من الكرمه تعد المال من سِقط المتاع
في وقتنا الحاضر وفي وقت الشدايد لا سقا
عاد انت يامرزوق ركن عتيبه بشتى البّقاع
حتى محلك للكرم و الطيب مثل الملتقا
عان القصيد اللي يغنى فيك يامرزوق ذاع
من طيب راسك جاتك بيوت القصايد سُبقا
ماكنّها الا خيّل اخو هملا لارد الكيل صاع
من سطوته كم راحوا الاعداء جماعه و أرفقا
حنا عتيبه والذمم ماهيب تشرى ماتباع
نرهي على الطالت والرايات في راس اشهقا
بين العتيبي والفخر عشقٍ ليا حد النخاع
من كثر ماحبّوا بعضهم صاروا اخوان اشققا
