ئەوسا و ئێستا
وشەکان: هۆمەر دزەیی
ئاواز: لۆرینا مەک کێنێت
ئەڕانژ: دکتۆر ع.ج. سەگرمە
خوایە ئەبێ ئێستا کێ ماچی بکا
خوایە ئەبێ ئێستا کێ بۆنی بکا
خوایە ئەبێ ئێستا کێ بگوێنێ
ئەو کاڵە مەمکانەی، ئی من بوون دوێنێ
***
خۆزگەم بەو کەسەی کە ئەیگەوزێنێ
پەنجەی بەناو قژیا ئەگێڕێنێ
لێوی لە لێوی گەرمی ئەخشێنێ
دوگمەی سوخمەی یەک یەک لێک ئەترازێنێ
***
خۆزگەم بەو کەسەی کە ئەیورووژێنێ
دەس بەو رانە نەرمانەی دادێنێ
رازی دڵ بە گوێیدا ئەچرپێنێ
***
ئاخۆ ئەبێ ئێستا کێ پێی شاد بێ!
ئاخۆ ئەبێ ئێستا منی لە یاد بێ!
یادی دێرین بیباتەوە دوێنێ
***
دەردی دڵ گرانە، بێ دەرمانە
ئاخەلێوەیە، دەس لێک بەردانە
دنیا هەر وا بووە و هەر واش ئەمێنێ
بەختەوەری تاسەر بۆ کەس نامێنێ
***
