Հայերի ցեղասպանության մասին բազմաթիվ ֆիլմեր են նկարահանվել՝ ինչպես վավերագրական, այնպես էլ գեղարվեստական։ Բայց այս թեման երբեք չի սպառի իրեն, համենայն դեպս այնքան ժամանակ, քանի դեռ ողջ աշխարհը չի ճանաչել այս սարսափելի պատմական իրողությունը։
Եվ, ահա, Թուրքիայում Ցեղասպանության մասին պատմող հերթական ֆիլմն է նկարահանվել։ Այն կոչվում է «Թաքցված խաչ»: Այն առանձնանում է նրանով, որ նկարահանվել է Թուրքիայում։ Հեղինակները թուրք ռեժիսորներ Ալթան Սանջարն ու Սերհաթ Թեմելն են։
Ինչպես վերնագրից կռահեցիք, ֆիլմը պատմում է անհանդուրժողական Թուրքիայում երկար տարիներ իրենց ինքնությունը, կրոնն ու մշակույթը թաքցրած հայերի մասին։ Ռեժիսորներից մեկի՝ Սանջարի պապն այդ ամենը զգացել է սեփական մաշկի վրա։ Գործողությունների վայրը երբեմնի մարդաշատ Դիարբեքիրն է։
Ֆիլմը ստեղծելիս ռեժիսորները հանդիպել են առաջին իսլամացված հայերի
(75 տարեկանից բարձր) և երկրորդ (40 տարեկանից բարձր) սերունդների հետ։
Ինչ-որ բան մեզ հուշում է, որ Սանջարին և Թեմելին Օրհան Փամուկի և Էլիֆ Շաֆաքի ճակատագիրն է սպասում։
![[4K] Deep Arch Stretch | Stretch with Ari (2024)](https://i.ytimg.com/vi/bv2I4eEMctk/mqdefault.jpg)
