Экология вице-министрі Ахметжан Пірімқұлов пен утилизациялық алыммен айналысқан «өндірушінің кеңейтілген міндеттемелері» операторының басқарма төрағасы Медет Құмарғалиев ұсталды. Олар сыбайлас жемқорлық қылмыс жасады деген күдікке ілінген.
Бейресми дереккөздерінде бүгін таңертең күдікті шенеунік пен компания басшысы шетел асып кетпекші болған жерінен ұсталды деген ақпарат тараған еді. Бұл мәліметті жемқорлыққа қарсы агенттік өкілдері растамады. Артынша, Медет Құмарғалиевтің жұбайы әлеуметтік желідегі жеке парақшасында жолдасының шетел асып, елден кету туралы ойы болмағанын жазған. Қазір Ахметжан Пірімқұлов пен Медет Құмарғалиев уақытша ұстау изоляторына қамалған. Сонымен қатар, бүгін аталған оператордың құқықтық мәселелері бойынша басқарушысы Руслан Шамшиев өзіне қол жұмсап, көз жұмды. Аталған дерекке байланысты "өз-өзіне қол жұмсауға итермелеу" бабы бойынша іс қозғап, Елорда полицейлері сотқа дейінгі тексеруді бастады.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#ОператорРОП #тергеу #жемқорлық
