Lajme Arkiva 2009

Vetëm një muaj nga vënia në funksionim e tragetit Shëngjin-Bari dhe anasjelltas numri i personave që udhëtojnë përmes kësaj linje është katërfishuar.

Fluksi i pasagjerëve përbëhet kryesisht nga udhëtarë që kanë si destinacion zonat veriore të vendit, Kosovën apo Malin e Zi.

Vendosja e kësaj linje, por edhe rruga e re Rrëshen-Kalimash, e ka kthyer portin e Shëngjinit në një nyje të rëndësishme të zonës veri-perëndimore, duke shkurtuar në mënyrë të ndjeshme distancat me pjesën tjetër të vendit, por edhe rajonin.

“Është kënaqësi për mua sot që bëj udhëtimin e parë me tragetin e vendosur në Shëngjin. Besoj kjo është një arritje jo vetëm për kompaninë, por është në beneficë të të gjithë qytetarëve lezhjanë, por dhe të të gjitha rrethinave”.

“Kjo ia vlen për zonën e veriut se është më afër, është më komunikante për të gjithë.”

“Vijmë më shpejt, është shumë më shpejt edhe na bie më mirë këtu”.

“Portin e Shëngjinit e kemi zgjedhur dhe ësht më afër, ma me leverdi”.

“Si linjë është shumë e domosdoshme”.

Kjo linjë po u shërben më së miri edhe turistëve të huaj, të cilët po vizitojnë çdo ditë e më shpesh plazhet e Shëngjinit dhe Lezhës.

“Jemi një grup me 15 makina kampingu të organizuar nga një agjenci shqiptare dhe do bëjmë një vizitë turistike. Prej këtu do të ikim në Durrës dhe më pas do shëtisim të gjithë Shqipërinë.”

Për të përballuar fluksin në rritje autoritetet kanë parashikuar futjen në punë edhe të një trageti të dytë, masë që sipas tyre do të eliminojë vonesat dhe lehtësojë më shumë lëvizjen e qytetarëve.

“Fluksi natyrisht është në rritje vazhdimisht edhe për shkak të muajit të pushimeve. Emigrantët vazhdojnë vijnë gjithmonë e në rritje nga çdo udhëtim që i përbën trageti numri trefishohet, edhe katërfishohet”.

Trageti i linjës Bari-Shëngjin kryen udhëtime dy herë në javë, por sipas drejtuesve të kompanisë brenda një kohe të shkurtër ky itinerar do të jetë më i shpeshtë. Bileta për një udhëtim të tillë kushton vetëm 35 euro./tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]

свернуть