په تېرو څه باندې درېيو کلونو کې په کور دننه د سمنټو توليد برخه کې ۴۳ ميليارده افغانۍ پانګونه شوې.
د سرپرست حکومت اقتصادي معاونیت وایي، چې په افغانستان د اسلامي امارت بیا واکمنېدو وروسته هېواد کې د سمنټو د تولید په برخه کې ۴۳میلیارده افغانۍ پانګونه جذب شوې ده.
په کور دننه د سمنټو د تولید له زیاتوالي د سرپرست حکومت موخه په دې برخه کې د هېواد ځان بسیاینه او د زیربناوو په رغولو کې له وطني تولیداتو استفاده یاده شوې ده.
مسوولين وایي، چې له همدې امله یې په هېواد کې د سمنټو فابریکې بیا فعالې او رغولې دي.
