Presidenti Aleksandar Vuçiç tha për televizionin kombëtar serb se situata është në udhëkryq falë kryeministrit  Kurti, i cili me çdo kusht dëshiron të provokojë luftë dhe konflikte. Sipas Vuçiç, tre policët e Kosovës janë arrestuar 1.8 kilometra larg vijës administrative në rrugën Orahovë-Gnjilicë.

“Asnjë ushtar i ushtrisë serbe nuk e ka kaluar kufirin gjatë arrestimit të tre pjesëtarëve të policisë së Kosovës. Ne i arrestuam ata jo 100 metra në territorin e Serbisë qendrore, por 1.8 kilometra nga kufiri. Këta njerëz nuk kanë çfarë të kërkojnë në atë zonë pa miratimin e KFOR-it.”

Serbia ka të dhëna se KFOR-i nuk ishte i informuar për këto lëvizje.

“Ushtria jonë është e stacionuar 5.1 kilometra nga kufiri. Po bëhet një hetim. Ata nuk janë rrahur, as keqtrajtuar, as shpërfytyruar, gjë që u ndodh serbëve kur arrestohen nga policia e Kurtit.”

Presidenti serb tha se Milun Milenkoviç u arrestua edhe pse ai kishte marre garanci nga NATO dhe BE se protestuesit nuk do të arrestoheshin. Sipas Vuçiç që nga fillimi i vitit ka pasur më shumë arrestime dhe gjashtë serbë të plagosur me armë zjarri.

“Asnjë shqiptar nuk është pushkatuar, asnjë serb nuk ka qëlluar asnjë shqiptar. Policët kudo në territorin e Serbisë qendrore nuk kanë qëlluar asnjë shqiptar. Kjo u ndodh vetëm serbëve.”

Sipas Vuçiç, kriza filloi në momentin kur Kurti vendosi qe të shkojë në zgjedhje për të cilat dihet se ishin krejtësisht jolegjitime.

Klan News

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan

свернуть