Атырау облысының әкімі Махамбет Досмұхамбетов пен ҚР Парламенті Сенатының депутаты Ғұмар Дүйсембаев қайта жаңғырту жүргізіліп жатқан "Атырау-Астрахань" тас жолының жұмысымен танысты. Жалпы ұзындығы 277 шақырым болатын республикалық маңызы бар жолдың 60 шақырымын биыл аяқтау жоспарланған. Қазіргі кезде оның 20 шақырымы пайдалануға берілген. Ал, қалған 40 шақырымында қызу жұмыс жүріп жатыр. «Қазавтожол» АҚ Ұлттық компаниясы тапсырыс берген мердігер мекемелерде 226 адам тұрақты жұмыспен қамтылып, 78 арнайы техника жұмылдырылған. Сонымен қатар, қалған 217 шақырымдық учаскесінде жолдың негізгі қабаттарын орналастыру, коммуникация желілерін ауыстырумен қатар, 25 су өткізетін құбыр жүргізілуде. Бұл аралықты да халыққа ыңғайлы болуы үшін мерзімінде аяқтауға күш салынуда. Белгіленген аумақтағы жұмысты 183 арнайы техникамен 367 адам атқаруда. Оған қоса, жолдың сапасын анықтайтын зертханалар да жұмыс істеуде.Мердігер мекемелердің басшыларымен тілдесіп, жұмыс барысымен танысып шыққан облыс әкімі Махамбет Досмұхамбетов мемлекет басшысының автокөлік жолдары мәселесіне әсіресе, сапасына аса мән беріп отырғанын атап өтті. Сонымен қатар, әкімдік тарапынан маңызды жобаны жүзеге асыру үшін жан-жақты қолдау көрсетілетінін жеткізді.
Сайт - [ Ссылка ]
online - [ Ссылка ]
facebook - [ Ссылка ]
VK - [ Ссылка ]
Instagram - [ Ссылка ]
Qazaqstan TV мобильді қосымшаны жүктеп алыңыз:
AppStore - [ Ссылка ]
Google Play - [ Ссылка ]
#ATYRAU #TV #ATYRAUTV
#АТЫРАУ #ТВ #АТЫРАУТВ
#102FM #ATYRAURADIO #RADIO
