وزنا القملي والثور لشعب
وعاد القملي زايد وقية
وسينا من دجاجه مية معصب
وشجرنا كلد لما قصية
وسوينا قدح من عود عضرب
وسع ميتين كيله يافعية
الا يا داحس الصوبي تمهل
بقينا الجلد ثروه للصبيه
ونزلنا القملي للـــبحر يشــــرب
شرب البحر ما خلا بقــــية
وحملنا الكتنه الفين قدح ملــح
طلعت نقيل الشق متنفسية
وطلعنا الجمل لعش جولب
وقلنا له تريح لك شــــويه
ونجحنا ثور من عود عضرب
وزرعنا مابقي منه حوية
وحملنا الفساسه مية مصرب
وقاله زجوا الخطوه شويه
بنينا فوق راس الديك ديوان
والباقي منافس للرعية
غرسنا غرس في ليله وتوكب
وصدرناه بلاد الجحمليه
رايت الفارفي الجربه بيقلط
مهندي مفرسه سبعين وقيه
ولد لي ولد في ليله وشيب
وودعنى على آخرعشيه
رقدنا اربع مائة فوق جلد ارنب
وعالآخر عطف منه شويه
رأيت القنطية تحمل قدح ملح
وتجري في النقيل مثل المطية
رأيت القملي حامل لهوزر
عطيفوا هندوان سبعين وقية

свернуть