Албан тушаал уу?? Амьдрах орчин уу?
Австралид амьдардаг Монголчууд ямар ажил хийдэг, цалин хэд авдаг вэ? Цагаа хэрхэн өнгөрөөдөг вэ? гэж хүмүүс их асуудаг.
Австралид цалингийн доод хэмжээ цагийн $21.38 aud байдаг. Ихэнхи Монгол эрэгтэйчүүд барилга дээр ажилладаг ба одоогоор барилгын ажлын 1 цагийн үнэлгээ $40-$70 хооронд туршлагаасаа хамааран цалинждаг. Хэдий цалин өндөр ч өртөг дагаад өндөр.
Өдөрт хэдэн цаг ажилладаг вэ?
Оюутны визтэй хүмүүс 2 долоо хоногийн 40н цаг ажиллах эрхтэй байдаг ч ковидоос шалтгаалан түр хугацаагаар цагийн хязгааргүй ажиллах эрхтэй болсон. Ихэнхи Монгол эрэгтэйчүүд 10н цаг ажилладаг ба ажлууд дунджаар гэрээс нэг талдаа 30минутын зайтай байдаг.
Барилгын ажлаас өөр гоё ажил хийж болдоггүй юмуу?
Чиний ажлын байр чамайг ямар түвшинд амьдрахыг тодорхойлохгүй. Угтаа чиний дарга байна уу? Барилгачин цэвэрлэгч байна уу? Австралийн нийгэмд бол ач холбогдол бага. Хэн илүү хөдөлмөрлөж байна, тэр хүн чанартай амьдрах бүрэн боломжтой.
Яг одоо ковидын дараа бол барилга болон цэвэрлэгээний ажил цалин өндөртэй, эрэлт ихтэйдээ орж байна. Гадаадад байдаг Монголчууд маань нүүр номондоо аль болох л сайхан зураг хөрөг, жаргалтай байгаа үеэ оруулдаг ч амьдрал дээр үүрээр ажил нь эхэлж 10 гаруй цаг ажиллаж байдаг. Гэхдээ Австралид хүмүүс яагаад дарга хийж, кареер ахихгүй, урт цагаар ажилласан ч удаан амьдрах сонирхолтой байгаад байна гэхээр бүх зүйл шударга үнэлэгддэг. Төрийн үйлчилгээг нь авахад танил тал хайгаад байх шаардлага алга. Оочирлож зогсож байгаад л хүссэн үйлчилгээгээ аваад гарна. Мөн Цагаан захтнууд болон цэнхэр захтнуудын цалингийн ялгаа газар тэнгэр шиг ялгаатай биш болохоор. Илүү цаг 15 минут ажилласан ч төлнө. Нийгмийн анхдагч хэрэгцээ болох хүнс, агаар, ус, нийтийн тээвэр, хүүхдээ тоглуулах, салхилуулах тохижилттой талбай, сургууль цэцэрлэг гээд бүгд аль ч дүүрэг, хотод нь очсон адилхан стандарттай. Мэдээж дундаж болон баян дүүрэг гэж байх ч Монголын зайсан болон баян хошуу шиг агаар нь хүртэл илт ялгаатай биш.
Өмсөж зүүх, хэрэглээ тал дээр Австралид бол бүр энгийн гэж жигтэйхэн.
Зүгээр л өөр өөрсдийн өмнөх ажлаа хийгээд л үлдсэн цагтаа үзэж харж, үйчлүүлэх үнэтэй, үнэгүй зөндөө сонирхолтой зүйлс байдаг болохоор дэлгүүр хэсч цаг үрэх ч хааяа хайран санагддаг шүү 🤣.
Жишээ нь: өдөржин барилга дээр ажиллаж байгаад л орой нь дэлхийд алдартай Опера хаусд сонгодог дуурь үзэх боломжтой гэх мэт ккк.
Ингээд бодохоор гадаадад амьдардаг ч 11 цагийг ажилд, 8н цагийг унтахад зарцуулахаар үлдсэн 5 н цагаа хэрхэн үр бүтээлтэй, чанартайгаар өөртөө болон гэр бүлдээ зарцуулах вэ? Энэ цагаа л зөв зарцуулж чадсан хүмүүс энэ улсаас их зүйлс сураад, чанартай амьдраад эх орондоо буцах бүрэн боломжтой.
Үргэжлэлийг влогоос үзээрэй 😉
Эерэг бүхнийг түгээе.
Odgii's Family
Sydney, Australia
