السلام عليكم
دي أفضل طريقه لمعرفة كود العطل من كنترول السياره بدون الدخول بجهاز كشف الأعطال OBD
معلومه
الطريقه دي تقدر تعرف بيها الكود بعد ما ال check engine يعطيك عدد الومضات عشر ومضات يعني الرقم 0 يعني مثال ال(p0340)عطل حساس الكامه هتلاقيه ينور عشر مرات ويفصل بعدين تلات مرات ويفصل وبعديها اربع مرات وبعدين عشر مرات بكدا تقدر تعرف ان عندك حساس كامه بايظ عن طريق الومضات تقدر تكتب الكود وموديل السياره في جوجل وتعرف تشخص عطل سيارتك بس تكتب مثال (nissan sylphy 2004 p0340) وتحل مشكلتك بنفسك .
خطوات التنفيذ:
١-تبقا العربيه على وضع ال p .
٢-نفتح الكونتاكت ونعد ٣ ثواني.
٣-بعد الثانيه ال٣ تبدأ تدوس على دواسة البنزين للأخر وترفع رجلك تاني (٥ مرات ورا بعض على ٥ ثواني ).
٤-بعدين تعد ٧ ثواني وتكون شايل رجلك من على دواسة البنزين.
٥-وتدوس بعد الثانيه ال ٧ على دواسة البنزين للاخر وتثبت الدوسه لمدة ١٠ ثواني.
٦-هنا بعد الثانيه العاشره هتلاقي علامة ال check engine شيل رجلك من على دواسة البنزين بكدا تكون بدأت تعد ١٠ مرات ورا بعض وهتفصل ثانيه وترجع تعد بنفس الطريقه ٤ مرات (كدا معناها إن الكنترول بيديك كود 0000 يعني مش مسجل اي عطل ظاهر)
٧-أخر خطوه هتدوس على دواسة البنزين لمدة عشر ثواني (لو كان الكنترول مسجل عطل هتفضل دايس لحد ما تلاقي العلامه بدأت تعدلك بطريقة ال ١٠ مرات يعني تم مسح العطل المسجل ) وتقفل الكونتاكت وتستنى تسمع صوت تكة من ال ecuالي بتيجي من ناحية اليمين عند الراكب الجانبي وبعدين تشغل المحرك .
اتمنى أكون أفادتكم وأسف للإطاله .
شكرا.
