الرقم الاول وحدها
نوره وكلن بعدها
استاذه ومن قدها
هذا التعب صار مخلوف

شهادتك عز وفخر
ماعاد لي باقي عذر
يحق بك نظم الشعر
ويزين بك نظم الحروف

جبتي شهاده عاليه
يحق لك يالغاليه
اولى ولا انتي تاليه
بنت العقيد اللي معروف

اليوم هو يوم الفرح
والخاطر اليوم انشرح
عدا المكاييل ورجح
رغم الصعايب والظروف

جتنا بشاير من الرحمن
بتخرج اللي لها عنوان
وحرف القصيده ولحنه زان
مبروووك لك يالسنافيه

شهادة العز جابتها
نوره وياحي طلتها
فوق الكواكب بهامتها
ماجستير ماهيب عاديه

جوامد الفيزياء معها
الله يحقق مطامعها
فوق النجوم ومرابعها
بنت الاصول الحقيقيه

مع مرتبة الشرف جابت
وكل الاماني لها ذابت
هقوتك يابنت ماخابت
بالجامعة بالشماليه

متفوقه دوم يانوره
يابنت حواس مذكوره
ابوك من طالت شبوره
الحازمي مقدم الهييه

مفتوح للناس ديوانه
عقيد معروف عنوانه
وسمعته فالناس رنانه
راع الفعول البطوليه


نوره جميله زينها متناهي
المختار نوره والجمال الراهي
هذا الجمال الباذخ الالهي
نوره عسى رب السماء يرعاها

الفارقه بين العرب معروفه
في كل موقف فالحسن مشيوفه
فيها القصيد تزين كل حروفه
يازينها بين العرب ماحلاها

والجد من روس الرجال وحيه
هليل هليل ولا به زيه
اسمن يشرّف في نهار الهيه
قبيلة الحازم نعرف اسماها

الحازم اللي صيتهم فالعالي
من عزوة ال مرادس اهل الغالي
قبيلة الحازم حماة التالي
قبيلتن ياسعد من ينخاها

свернуть