Հայաստանում այլևս չեն երկարաձգի հին նմուշի անձնագրերի գործողության ժամկետը: Համապատասխան որոշումն ընդունվեց ՀՀ կառավարության այսօրվա նիստում:
Ոստիկանապետի տեղակալ Վարդան Եղիազարյանի խոսքով՝ ներկայումս մի շարք երկրներ, այդ թվում՝ ԱՄՆ-ն և եվրոպական պետությունները, արգելում են նման անձնագրերով քաղաքացիների մուտքը կամ վիզա չեն տրամադրում: Սա առաջացնում է մի շարք խնդիրներ, ինչի համար հին անձնագրերի գործողության ժամկետի երկարացման պրակտիկայից հարկավոր է հրաժարվել:
