تیری جالیوں کے نیچے تیری رحمتوں کے سائے
جسے دیکھنی ہو جنت وہ مدینہ دیکھ آئے
کیسی وہاں کی راتیں کیسی وہاں کی باتیں
انہیں پوچھ لو نبیﷺ کا جو مدینہ دیکھ آئے
نہ یہ بات شان سے ہے نہ یہ بات مال و زر کی
وہی جاتا ہے مدینے آقا ﷺجسے بلائیں
روزے کے سامنے میں یہ دعائیں مانگتا تھا
میری جاں نکل تو جائے یہ سما بدل نہ جائے
لو چلا ہوں میں لحد میں میرے مصطفی ﷺ سے کہ دو
کہ ہوا تیری گلی کی مجھے چھوڑنے کو آئے
طیبہ کو جانے والے تجھے دیتا ہوں دعائیں
در مصطفی ﷺ پے جا کے تو جہاں کو بھول جائے
وہی غم گسار میرا وہ ظہوریؔ یار میرا
میری قبر پر جو آئے نعت نبیﷺ سنائے
تیری جالیوں کے نیچے تیری رحمتوں کے سائے
جسے دیکھنی ہو جنت وہ مدینہ دیکھ آئے
