بين ضلع وبين وادي تحت مبدا النجوم
قمت اخايل في المجرّه واسجّل ما طرا
صارت الافكار في راسي الثابت تحوم
كل فكره بعدها فكرتن تمسك سرا
انتقي وابحث وادوّر وانا كلي حزوم
فكرتن ماقد طرت في دواهي واشعرا
ثم وردّت الجزيله من ابداع الرسوم
وابتكرت اللي عجز في ابتكارته اخبرا
خذت قافٍ هزّ الارض وطويلات الرجوم
مايليق الا لشيخٍ ومثله ندّرا
قاف ماشوش ياكود المطاليق القروم
والله اني لانطقه للمطاليق اجهرا
عشت ياعناد اللي ان قام كلن له يقوم
دامت فعولك على المجد دايم تنقرا
عاش راسن من سلايل قويين العزوم
ثابتن واثبت من اطويق واثبت من كرا
ماتشيخ بالمشالح ولا حمل الختوم
غير بافعالن تدرس وصيتن يذكرا
فارسن واصوك ونظرته من فوق النجوم
صملة ذياب ابن غانم وسطوة عنترا
لاهبط سوق الحلال يفرق في كل سوم
مايحسب للخساير ليامنه شرا
من كثر مايذبح من السمينه كل يوم
ماعاد الا يخلي الحيل من وجه الثرا
يابن سطام انت لك عادتن جعلك تدوم
تكسب الناموس والطيب مامعك اخشرا
فعلك اللي تشهد ابه الاعادي والخصوم
من نسل جدانك اللي يردون البرا
ابن عون اللي كفوفه مثل وبل الغيوم
لاحضر في ماقفه خصمه يعوّد ورا
ماتحرّا يوم كبرت على القوم العلوم
وقّف لها يوم غيره تخاذل واحترا
ماخذن قسمه من الطيب وخيار القسوم
وفي وسط شبه الجزيره له اسم مقدرا
وعزوته وقت الملاقى يسدون اللزوم
لابة اطوال الايادي وساع الصدرا
الرجال اللي تناطح غثا اليوم الدحوم
يستحقون المدح والقصايد والمرا
قصيده مهداه لرجل الاعمال عناد سطام بن عون
الشاعر فهد غازي الشيباني
شيله مهداه من الشاعر فهد غازي الشيباني الى رجل الاعمال عناد بن سطام بن عون
