⠀Бірнеше сағат құлшылықтан артық дұға
⠀
Бір күні Пайғамбарымыз Мұхаммед (с.а.у.) таң намазын оқуға шығады, ал әйелі болса үйде құлшылық етіп қалады. Бұл күні Ол (с.а.у.) әйелі Жууайрия бинт әл-Харисте (р.а.) қонған болатын.
⠀
Ол духа намазының уақытында үйіне қайтып оралғанда әйелін таңертең құлшылық етіп қалған орнынан табады. «Сен әлі таңертеңгі қалпыңдасың ба?» - деп сұрайды. Жууайрия мақұлдап: «Иә», - деп жауап береді.
⠀
Сонда отбасына, достарына, барша үмбетке қамқор болған сүйікті Пайғамбарымыз (с.а.у.) келесі дұғаны үйретіп, былай дейді:
⠀
«Сенен шыққанда, сенің осы уақытқа дейін зікір етіп отырған сөздеріңнің бәрінен артық түсетін төрт сөзді үш рет қайталадым дейді:
⠀
سُبْحَانَ اللهِ وَبِحَمْدِهِ عَدَدَ خَلْقِهِ، وَرِضَا نَفْسِهِ وَزِنَةَ عَرْشِهِ، وَمِدَادَ كَلِمَاتِهِ
⠀
СубхәнАллаһи уә бихәмдиһ a'дәдә холқиһ, уә ридоо нәфсиһ, уә зинәтә а'ршиһ, уә мидәәдә кәлимәәтиһ!
⠀
“Аллаға Оның жаратқан жаратылысындай, Оның қалауынша, Оның аршысының салмағына тең болғанша және Оның сөздерін жазу үшін кететін сиядай пәктеулер мен мақтау-мадақтар болсын!” (Мүслім).
⠀
Міне, Пайғамбарымыз (с.а.у.) жарты минутын да кетірмей 3 рет қайталаған осы дұғасы тақуалардың анасы Жууайрияның (р.а.) бірнеше сағат жасаған құлшылығынан да мол сауапқа кенелтеді.
⠀
⠀
