Ora shënonte 08:12 minuta e mëngjesit të së martës, kur nga makina Mercedes-Benz që shihet në këto pamje qëllohet për vdekje Nazmi Bandulës.
Pamjet janë regjistruar nga kamera e sigurisë të një prej objekteve ngjitur dhe ato tregojnë momentin kur autorët pasi devijojnë nga rruga, ulin shpejtësinë e makinës dhe nga dritarja e dytë e saj qëllojnë në drejtim të objektivit të tyre, i cili ndodhej i vetëm në tavolinën që gjendej në trotuar.
Autori pasi ka parë parë makinën që i është afruar ka tentuar të ngrihet nga tavolina ku po pinte kafenë e mëngjesit, por ka rënë vetëm pak metra më tej duke mbetur i vdekur në vend.
Fatmirësisht plumbave i ka shpëtuar një tjetër person që siç edhe shihet në video në momentin e atentatit ishte në këmbë në hyrje të lokalit, por që ka mundur të largohet me shpejtësi.
Pas lëshojnë një breshëri automatiku autorët largohen me shpejtësi, duke humbur gjurmët.
Vrasja duket se ka qenë e llogaritur mirë, pasi ata kanë shfrytëzuar momentet e mëngjesit kur në rrugë nuk kishte shumë lëvizje për të kryer atentatin ndaj 55-vjeçarit, ndërsa për të mos lënë asnjë gjurmë kanë qëlluar nga brenda makinës duke marrë me vete edhe gëzhojat.
Policia megjithëse ka në dorë pamjet e kamerave të sigurisë deri më tani nuk ka mundur të bëjë identifikimin e autorëve, ndërsa vijon punën për zbulimin e shkaqeve që mund ti kenë çuar ata në vrasjen e Bandulës.
Nazmi Bandula nuk është një emër i panjohur për blutë e Shkodrës. Ai në Vjeshtën e vitit 2020 u arrestua pasi kërcënoi me armë zjarri vëllanë e tij pas një konflikti familjar, ndërkohë që vetëm pak muaj më vonë, më 26 Dhjetor të 2020 atij iu hodh në erë makina e tij që e kishte të parkuar në oborrin e shtëpisë.
Burime nga Policia e Shkodrës besojnë se ngjarja mund të ketë lidhje me aktivitetin e tij kriminal, pasi 55-vjeçari njihej në Shkodër si pjesë e botës së krimit.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
