Баяғы жартас сол жартас. Жылда қаңтар айында жоқ болып кететін дәрілер биыл да жоқ. Еліміздің әр өңірінде арнайы есепте тұрған науқастар тегін алатын дәрілерін дәріханалардан таппай жүр. Тіпті дәрімен ғана күн көрген жандардың арасында қажетті еміне жарты жылдан астам уақыт қолы жетпей жүргендері де бар.
Гүлжан Бөлекбаева Өскемен қаласында тұрады. Науқас баласының жасы он сегізде. Тұрақты түрде қабылдайтын трифтазин мен циклодолды өткен жылдың мамыр айынан бері ала алмадық дейді. Ал дәрігері жаңа жылдан кейін жоқ болып кеткен азалептол тек ақпан айының аяғында ғана берілетінін айтыпты.
ГҮЛЖАН БӨЛЕКБАЕВА, Өскемен қаласының тұрғыны:
– Қаңтар басталғалы менде осы дәрі туралы уайым көбейіп кетті. Дәріге бардық. Дәрі жоқ. Осы екі пластик дәріні сіңлілерім арқылы әркімнен сұрастырып жүріп, әзер тауып, қазір соны ішіп жатырмыз. Ал дәрі ақпанда ғана болады дейді.
Любовь Зоболотная алты жылдан бері гипертониямен ауыратынын айтады. Жетпістен асқан зейнеткер мемлекет миллиардтап ақшаға алдыртатын дәрі-дәрмектерді ала алмай жүргендердің бірі. Тегін берілуі тиіс препараттар жарты жылдан артық берілмей келеді екен. Сонда дәрі және оған жұмсалған ақша қайда кетіп жатқанын білмейміз дейді.
ЛЮБОВЬ ЗОБОЛОТНАЯ, Петропавл қаласының тұрғыны:
– Күн сайын емханаға дәрі іздеп барамыз. Тендер өткен жоқ. Сол себепті дәрі де жоқ деп кері қайтарады. Өткен жылғы жаздан бері ала алмай отырмыз.
Ал "СҚ Фармация" компаниясының өкілдері бұл дәрілер елімізде бар. Қазір өңірлерге жеткізіліп жатыр деді. Тіпті айтуларынша, қажетті мөлшерден артық дәрілер қоры да жасалыпты.
ӘЙГЕРІМ СМАИЛОВА, "СҚ Фармация" компаниясының баспасөз хатшысы:
– Осы емделушіні дәрі-дәрмекпен қамтамасыз етуіне ат салысып жатырмыз. Екі облыстағы науқас та дәрі-дәрмекпен қамтамасыз етіледі.
Мамандар дәрі таппаған науқастарға бірыңғай дистрибьютордың 1439 байланыс орталығына хабарласып, тегін ақпарат алуға кеңес береді. Бірақ дәрі іздеген тұрғындар жағдай әлдеқайда басқаша екендігіне сенімді.
Жанболат Санияз, Руслан Жасұланұлы
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#информбюро #басты_жаңалықтар
