#oranews #berat

Lagjja e ish-pjeshkores në Berat, është një prej zonave periferike të qytetit që vuan mungesën e investimeve dhe shërbimeve. Banorët në masë nga komuniteti rom dhe egjiptian flasin për braktisje nga bashkia e drejtuar nga Ervin Demo.

Këto pamje vijnë nga Lagjja “30 vjetori” ose ish-pjeshkorja, siç njihet ndryshe në Berat.

"Kaluan disa turistë një herë, po qeshnin. Po fotografonin. Turp i madh."

E populluar më së shumti nga komuniteti Rom e Egjiptian, vuan mungesën e infrastrukturës dhe shërbimeve më bazike.

Më shumë se dy dekada kur aty nisën të ndërtohen shtëpi, mbetet në proces legalizimi.

"Bashkia të kthejë ndonjëherë kokën nga ne, të kujtohet."

Rrugët në pjesën më të madhe i ka mbuluar balta e në anë janë krijuar pirgje mbetjesh.

Ujërat e zeza vërshojnë kudo.

"Vjen behari ndotja është shumë e keqe."

banorët ndihen të harruar nga bashkia e qeveria qendrore.

Thonë se pushtetarët kujtohen për ta vetëm nëpër fushata elektorale.

"Na premtuan për të bërë rrugën, nuk e bënë. Erdhën në kohën e fushatës nuk e bënë."

Situata është e njohur për Bashkinë e Beratit, por siç thonë banorët veç premtimeve që kanë rezultuar gënjeshtra elektorale, deri më tani asgjë nuk është bërë për ta ndryshuar këtë gjendje.

Për më shumë lexoni në: [ Ссылка ]

Follow Televizionin Ora News

Website: www.oranews.tv

Youtube [ Ссылка ]

Facebook: [ Ссылка ]

Instagram [ Ссылка ]

Twitter [ Ссылка ]

свернуть